tb - Nin savoér éd puss édsur Chés DISEUX d'Achteure - bt
Él naissinche d’éch groupe "chés Diseux" pi chés gins qu'i nin font pèrtie !
version en français   English version   Version in Deutsch   versión en español   versão no português  

Par un bieu soir d'apréseut 1984, à chés "séries" ahansées pèr Laurent Devisme durant chés jornées d'chés "Picardies d'Achteure", chonq picardisants décide'té d'seutir éch pos : in plache éd lire chés auteurs picards con.nus, i s'in vont foaire éd l'écrivure tous insan.ne, in picard naturellemint. Éch groupe "Chés Diseux d'Achteure" i vnoait de naîte.

Éd chonq il ont té rapidemint huit à leu réunir rédjuliéremint ; neuf moés par aprés, dins ch'cloétre d'él plache Dewailly à Anmiens, Chés Diseux i présintoai'te in public leus premières "diries".

Ch'étoait à l'occasion d'chés "Universités Populaires des Picardies d'Achteure". Du cœup, chl'Office Tchulturel, qu'il organisoait chés rincontes, il o décidié d'publier ch'travail éd Chés Diseux in forme éd cassette avuc un tchot live picard-français.

Édpu, Chés Diseux il ont participé à granmint d’émissions dsur Radio-France Picardie ; il ont produit leus propes émissions sur chés stations locales comme Radio-Amiens et R.G.R., il ont hansé des séries tout in picard, pi surtoute il ont poursuivi leu z-ouvrage d'écrivure collective dusqu'à fin dix-neu chint quatré-vingt dix-neu. Il ont dessatché huit cassettes in toute..

Din leus "diries", Chés Diseux il leus ont frotté à toute, in passant d’éch roman policier à l'sciinche-fiction, dé ll’érmanglure d'un mélodrame à un conte qu'i vous don.ne les freux. Is ont montré conme cho qu'éch picard ch'est une langue vivante, et pi minme fin vertillante !

la photo du groupe TPh PDq mmD ATh BAr ACh PDg

Vlò chés mimbes d’éch groupe :

Brigitte ARNOUD (él tchote darin.ne)
Jean BALDWIN (†) (Flavien)
Jean-Pierre CALAIS (tchot Phane)
Marie-Thérèse CALAIS (†) (Mérence)
Annie CHATELAIN (mamzelle Annie)
Jean-Louis CHATELAIN (ch'cousin ou trompe-la-mort)
Pierre DEGLICOURT (†) (éch Déglic)
Marie-Madeleine DUQUEF (†) (Tchotchote d'él tcheue d'vaque)
Pierre DUQUET (†) (éch marister éd Creuse)
André THIERRY (†) (Théophile)
Jacques VARLET (†) (tchot Jacques).


Atchueil Diries 1985