Tchéche (Tchéche signifie qui [mot à mot qui est-ce]) qu’il éroait cru, él seize d’ahoute dix-neu-chint-quatré‑vingt-dix-huit, qu’éch baroumoaite (ch’baroumoaite c’est le webmestre) qu’i vnoait d’foaire ésn apparition i sroait coére (coére signifie encore) lò vingt-six ans pu tèrd ? Person.ne, bié seur, pi sûremint point mi ! Fuche (Fuche ! interj. signifiant qu’importe !)  ! Éj vos don, érien qu’pour vous-eutes, mette in plache min six-chint-vingt-sixienme tchuin (tchuin d’ziu signifie clin d’œil) d’ziu.

À chetlò qu’i s’édman.ne'té cmint (cmint signifie comment) qu’a s’foait qu’ch’est point éch tchuin d’ziu six-chint-vingt-chonq (chonq signifie cinq) , éj leu répondrai d’y aller vir, éch tchuin d’ziu qu’i déroge il est lò (din chés archives, bié seur !)  !

Éj sus lò à foaire éd l’imblée (imblée signifie esbroufe) , mais chés Diseux i n’étoai'té point les preumes à leu z‑avinturer din l’arnitoéle. Os étoème chés deuxienmes, infin pétête (pétête signifie peut-être) … Pa dvant nous, in tous les cas, n‑y avoait ch’Lanchron qu’és vèriure (vèriure signifie version) intèrnéte al o vu l’jour él 24 d’octobe 1996, pi qu’al est, conme nous-eutes, toudi (toudi signifie toujours) lò in.nhui. Ch’est point d’él pichtentaine (pichtentaine signifie pisse d’âne) , os pouvez vérifier in allant varon.ner (varon.ner signifie flâner, musarder) mon (mon signifie chez) ch’Lanchron (c’est un pissenlit !) !

Éch baroumoaite il est coére lò, mais i cminche (cminche signifie commence, vient de cmincher) , à mesure (à mesure signifie parfois) , à ra­trouil­ler (ra­trouil­ler signifie radoter) . Rmèrtchez (Rmèrtchez signifie remarquez, vient de rmèrtcher) bien qu’cha n’date point d’in.nhui (in.nhui signifie aujourd’hui) . In 2006, l’jour qu’i n’avoait tasseulemint qu’chonq ans, il o foait in.ne meudite berlure (berlure signifie erreur) . Il o récrit, mot pour mot, éch tchuin d’ziu « Fiston » qu’il avoait pondu troés énnées pu tôt. Chés deux tchuins d’ziu i sont tours (tours signifie toujours) lò, din chés archives, siq os n’ém croéyez point os pouvez vérifier vous-minmes !

Éch site du début i n’étoait point présinté conme in.nhui, il étoait foait avuc des frames. Cmint dire, des seurtes éd bèrres qu’i permettoai'té d’navidjer din tout ch’site sans canger d’page : él bèrre d’un heut, ch’étoait conme no mnu d’in.nhui. In clitchant dsu un nom, éch sous-mnu i s’affichoait din l’bèrre éd gueuche, pi un clintchant dsu un mot d’él bèrre éd gueuche o z‑arrivoait din l’feuille qu’o vouloait rbéyer (rbéyer signifie regarder) .

a ressen.noait à tchéque cose conme cho :

Ch’étoait tout simpe et pi cha tornoait fin bien. L’o follu canger tout cho, d’él feute à ch’meudit Gogole, fin bête qu’il est, qu’i n’étoait point capabe d’ércon.noaîte chés fanmeuses frames ! Tchéques (Tchéques signifie quelques) énnées pu tèrd, l’o coére follu qu’jé m’déquèrcasse, él jour éq Gogole i m’o nmandé éd t-ête bien lisibe édsu chés téléphon.nes portabes. J’né llé rgrette point. Achteure (Achteure signifie ici désormais) , est décidié, qu’a fuche (fuche signifie soit, vient de ête) bien clair, du brin d’min tchul pour Gogole, jé n’cangerai pu rien à rien.