IMPORVIGNÉ (imporvigné signifie submergé, vient de imporvigner) d’merdailles !

Os nn avez point d’assez éd tous chés merdailles‑lò ? éd chés jihos qu’il invahiche'té no vie ? Cha foait pu d’tchinze jours qu’o n’intind pu pèrler qu’éd cho. Jiho pèr chi, jiho pèr lò, chés jihos pi ch’métro, chés jihos pi chés voétures, chés jihos pi chés Tégévés, chés jihos pi l’ieu d’la Seine. J’nin sus réduit (réduit, téné, réïu signifie lassé, fatigué, excédé) , téné (réduit, téné, réïu signifie lassé, fatigué, excédé) , réïu (réduit, téné, réïu signifie lassé, fatigué, excédé) d’vos jihos !

Bié seur o n’o mis l’temps avuc tout cho éd vous pèrler d’eute cose. D’eximpe à Toulouse, Maïka il est mort d'in.ne balle din s’tête pour un refus d’obtempérer. Un cœup d’légitime définche pétête (pétête signifie peut-être), à moins qu’a n’fuche des cadoreux (cadoreux signifie policiers) pèr trop décatouilleux d'leu gachette… quoé qu’ché nn étoait ? Jiho jiho !

Coère (Coère signifie encore) émiux, éch joéne qu’il est din l’coma aprés qu’il euche té tambutché (tambutché signifie roué de coups, vient de tambutcher) pèr chés gins d’éch GPIS. Os êtes conme mi, os n’savez point ch’qué ch’est qu’éch GPIS ? Ch’est in.ne seurte éd milice privée foaite éd mércénaires. Éch randouillé (randouillé signifie tabassé, vient de randouiller) qu’il étoait din l’coma i nn est‑ti sorti ? Jiho jiho !

Éd sin côté, durant qu’il étoait à Washington, Netanyahu, pa dvant chés rprésintants élis – un molé (un molé signifie un peu) conme qu’o diroait chés députés –, il o dit conme cho :
pratiquement aucun civil n’a été tué à Gaza par l’armée israélienne
A n’vous rappéle érien ?
à Auchwitz on a gazé. Oui, c’est vrai. Mais on a gazé les poux.
Lò, ch’étoait un dénonmé Darquier qu’i s’prétindoait de Pellepoix, in 1978.
Eh bé pour mi, ch’est l’minme canchon (canchon signifie chanson) , chés paroles il ont cangé, mais chl’air, ch’est l’minme. Pi ch’est l’minme tchulot ! Os nn avez‑ti intindu dire tchéque cose ? Jiho jiho !

Tanq à no Présidint éj vourroais li dire éq ch’est point l’pein.ne qu’i vienche (qu’i vienche signifie qu’il vienne, vient de vnir) m’édman.ner éd t-ête sin Prémier minisse, éj dirai nan ! Mais j’croés bien qu’a n’sert à rien qu’éj li diche, i n’m’intindro mie ! Bien d’trop otchupé qu’il est pèr chés jihos.

Éch baroumoaite,
pèr éch preume d’ahoute 2024.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé d’tous les côtés... pétête !
Adé pi vnez nous rvir.