y o‑ti tchéqu’un ?

Éj n’avoais point d’mau à m’chervelle pour éch tite éd min tchuin d’ziu. Cha sroait « In attindant Macron… » ou bin « Macron, tu dors… » ou bin coére (coére signifie encore) « Réveillez-vous Macron » et pi, pour nin définir vlò qu’ch’étoait dévnu « Y o‑ti tchéqu’un (tchéqu’un signifie quelqu’un)  ? ». Mais toute i vo d’trop vite in.nhui (in.nhui signifie aujourd’hui) . Vlò qu’i y o tchéqu’un ! Os sonmes seuvés, no roéyal Présidint Emmanuel 1er i n’o pu dzoin d’tracher (tracher signifie chercher) un prémier minisse roéyal, piq (piq signifie puisque) Ségodasse al est prête à s’dévouer !

Éj vos don pouvoér értorner à mes réderies (réderies signifie ici obsessions, manies) et pi vous dviser d’éch qué j’ai déteupé (déteupé signifie découvert, vient de déteuper) mon (mon signifie chez) Macqueron. Os savez, Macqueron ch’étoait chl’Advilloés rédeux (rédeux signifie ici collectionneur passionné) qu’il o récoué (récoué signifie récupéré, vient de récouer) tout ch’qu’i traîn.noait din sin tchuin (tchuin signifie coin) in matiére éd lives éd cartes et pi d’dessins. Os pouvez szés trouvoér vous étou (étou signifie aussi) in allant lò (Adville, merci pour toute) .

Jé m’sus t-intéressé à chés cartes qu’o z‑appéle achteure (achteure signifie maintenant) routiéres, pi jé nn ai déteupé des belles. In dix-sept-chint (chint signifie cent) -quèrante-chonq (chonq signifie cinq) , un dénonmé Lesperon, présidint éd l’élection d’Mondidji, i foait – ou putôt i foait foaire – in.ne carte éd no Picardie.

Ch’est conme cho qu’o pu trouvoér des villages qu’i n’existe'té pu in.nhui, conme la Santé intér deux la Madeleine qu’a n’est point coére in.ne chimetiére et pi Loupré qu’i n’est point coére dévnu Longpré‑les-Anmiens, ou bin coére la Motelette intér deux Camons pi Glisi. Pi coére, au côté d’Camons pi Rivri, n‑y o étou Creuse qu’o z‑értrouve in.nhui conme éch fond de Creuse, un liu-dit. Dz eutes il ont cangé d’nom, d’eximpe Flichcour qu’i dvaro pu tèrd Floxicourt ou bin Petit Aussi cangé in Oissy…

à vous dé l’ertouvoér mon Adville-Patrimoéne :

Jé n’sais point tchéche (tchéche signifie qui, mot à mot qui est-ce) qu’il o écrit chés noms d’poéyis, mais chtichi (chtichi signifie celui-ci) , siq i n’étoait point sourdiu, asseuré qu’i n’étoait point Picard nan pu. Ch’est conme cho qu’o rinconte alintour d’Anmiens, Hernancour et pi, coére émiux, la Haute Oie !

Soin (soin interj. signifiant attention)  ! N’obliez point  : in.ne tchote (tchote signifie petite) priére à ch’Bon Diu pour éq Sainte Ségodiche al seuve La Fraaance !

Éch baroumoaite,
pèr éch preume éd sectimbe 2024.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête (pétête signifie peut-être) !
Adé pi vnez nous rvir.