adoù qu’os nin sonmes ?

Paris outragé, Paris brisé, Paris martyrisé, mais Paris bloqué
(cit. inspirée de Ch. de Gaulle)

Chés poéyisans i sont rmontés (rmontés signifie en colère) , pi j’croés bien qu’i y o d’quoé. Quanq o pinse qu’o leu z‑acate (o leu z-acate signifie on leur achète, vient de acater) leu lait moins tchér qu’a n’leu z‑o coûté pour él produire !… Avuc des dettes du diabe à rimborser durant des siéques pour acater des tracteurs pu tchér éq du poéve. Point ton.nant aprés cho qu’i n‑y in euche (euche signifie ait, vient de avoér) sitant qu’i leu défoai'te (qu’i leu défoai'te signifie qui se suicident, vient de s’défoaire) … puss éq mon (mon signifie chez) chés cadoreux (cadoreux signifie policiers)  !

Jé n’vourroais point t-ête à leu plache. Mais j’sus t-avuc eux d’tout min tchœur, jé m’sins minme poéyisan mi-minme. Éd tous sins, éj sus t-un poéyisan, ch’est point mi qu’jé l’ai dit, ch’est Flaubert. Il o écrit din Madame Bovary :
– Ah ! se dit-elle, il porte un couteau dans sa poche, comme un paysan !
Et pi conme j’ai tours (tours signifie toujours) émn opinel din m’poche, népoint (népoint signifie n’est-ce pas)  !…

Chés paures poéyisans il ont don cminché (cminché signifie commencé, vient de cmincher) pèr blotcher l’autoroute A64 et pi, pèr aprés, toute i s’a invrimé (invrimé signifie envenimé, vient de invrimer) . Din tout ch’poéyis ! Pour cho, il ont té écorés (écorés signifie épaulés, vient de écorer) , chés syndicats d’poéyisans il ont, aït aït (aït aït signifie dare dare) , prins ch’train in route ! Os savez chés syndicats d’céréaliers… des braves tchultivateurs conme éch prince Albert éd Monaco avuc chés huit-chints hectares qu’il o à Marchais(*) [02350] .

Lò, pour éch qu’i nn est d’chés réclamations, est tcheu (tcheu signifie tombé, vient de tchair) conme à Gravelotte, j’ész ai mis d’côté, qu’os nin profitèche tout conme mi :

Ils réclament, en plus d’une pause dans les normes environnementales, la suppression de mesures existantes, notamment les zones de non-traitement par des produits phytosanitaires, soit les distances de sécurité à respecter à proximité d’habitations ou de cours d’eau. La suppression de l’arrêté « plan eau » de 2021 qui encadre les prélèvements d’eau pour l’agriculture en cas de sécheresse est aussi demandée. Les deux syndicats exigent un « moratoire sur les interdictions » de pesticides.

Os voéyez qu’toute il est clair achteure (achteure signifie maintenant) , chés gros ch’qu’i veu'te ch’est coére (coére signifie encore) puss d’ingrais chimiques pi coére puss éd pesticides pour foaire pousser du blé qu’il est jusse boin à don.ner à chés cochons, piq (piq signifie puisque) o n’put point foaire éd pain avuc !

Phlippe Vuillemin il avoait bien raison, il o vu clair tout d’suite :

paru dans Charlie Hebdo n°1644 du 24 janvier 2024

Éch baroumoaite,
pèr éch preume éd février 2024.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête (pétête signifie peut-être) !
Adé pi vnez nous rvir.