észés rvlò !

L’énnée 2023 a n’o point té granmint (granmint signifie très) drôle, avuc ses djerres, ses veudoéses (veudoéses signifie cyclones) , ses fux d’foérêt, pi ses inondations. Chetlò (Chetlò signifie ceux) éq ch’est leu métier d’nous foaire rire i ll’ont point yeu belle. Éj pinse surtoute à Antonio Guterres(*) [Antonio Guterres est l’actuel secrétaire général de l’ONU.] . Éch paure lapide (un paure lapide est un pauvre mal­heureux) i nous o présinté un « sketch (allez vir édsu France24)  » qu’i s’appeloait in français « L’effondrement climatique a commencé ». Ch’o té un bide pèrfoait ! Os nn avez‑ti intindu pèrler ? Os ons té échouis (échouis signifie abasourdis, vient de échouir) pèr éch silinche, ch’est tout conme siq a n’avoait janmoais existé !

Heureusemint, pour 2024, j’ai un molé (un molé signifie un peu) d’espoér. Jé n’sais point siq os vous ramintuvez (os vous ramintuvez signifie vous vous souvenez, vient de s’ramintuvoér) éd chés deux mitan d’braques tomiques croupiers… Mais vlò‑ti point qu’i m’foai'té mangon.ner (mangon.ner signifie bafouiller) chés deux‑lò !… Chés deux comiques troupiers qu’i nous ont tant foait rire. Il étoai'té célébes din ch’mon.ne intier. Combien d’foés qu’i m’ont foait picher din mes tchulottes du temps qu’éj portoais coére des tchulottes courtes !

Éj sus seur qu’os voéyez tchéche (tchéche signifie qui ils sont) . Allons don, foaisez un effort nom des eus, trachez (trachez signifie cherchez, vient de tracher) bien ! Fra Diavolo a n’vous dit rien ? Ou bin coére, éj sais‑ti, mi, Têtes éd pioche, Chés Roés d’el blague et pi Atoll K ? Nan ? Mais quoé qu’ch’est‑ti qu’os avez din vo chervelle ? d’él badrée (badrée signifie bouillie)  ? Os n’avez janmoais té au cinéma probabe (probabe, ici adverbe, signifie sans doute)  ?

Tours (Tours signifie toujours) est‑ti éq tout cho ch’est pour vous dire qu’in 2024 os allons tertous pouvoér rire conme des bochus et pi nin prinde à chaque cœup in.ne fanmeuse panchie (panchie signifie ventrée) . Észés rvlò chés deux phunoménes : Laurel et pi Hardy, raverdis (raverdis signifie rajeunis, vient de raverdir) qu’il ont té d’un cœup d’badjette magique éd l’interligince artificielle. Asseuré qu’cha sro du nan.nan. Cha promet !

(pas de chasse à l’homme pour celui qui « chasse » la femme !)

Pi pèr là-dsu mes gins, éj vos souhaite à tertous in.ne boin.ne énnée, in.ne boin.ne santé pi des sous plein vo porté-mon.noaie.

Éch baroumoaite,
pèr éch preume éd janvier 2024.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé d’tous les côtés... pétête (pétête signifie peut-être) !
Adé pi vnez nous rvir.