o nn apprind tous les jours

Éj m’apprêtoais à m’érposer dsu mes deux érelles conme tous lz ans à l’minme date, népoint (népoint signifie n’est-ce pas)  ! Mais vlò‑ti point qu’i m’o prins conme un pécavi (un pécavi c’est une lubie) . Ém vlò don in route à tracher (tracher signifie chercher) , avuc Gogole, quanjou (quanjou signifie quand et plus précisément quand est-ce) qu’éch gouvernémint d’éch Front Populaire il o décidié qu’éch preume éd mai i sroait chômé… Ch’étoait‑ti dvant ou bin pèr aprés chés congés poéyés ?

Malva (Malva est une inter­jection signifiant malédiction)  ! Qué boin.ne idée qu’j’avoais yeu lò. Ch’est conme cho qu’éj m’ai aperchu qu’ch’étoait point du toute à ch’Front Populaire qu’os dvoème dire merci. Os n’advinerez janmoais à tchéche (tchéche signifie qui, et plus préci­sément qui est-ce)  !

Os n’voéyez point ? Éj m’in vos vous aidier un molé (un molé signifie un peu) . Ch’étoait un mirlitaire éd carriére. Nan ? Un mirlitaire putôt à droéte, à droéte éd la droéte minme. Nan pu ? Un mirlitaire qu’il o fini s’vie in prison. Tours érien ? Os vous foutez d’mi, lò. A n’est mie Diu possibe !… Os don.nez vo langue à ch’cot ? Clitchez lò (cliquez pour voir la suite.) pi os sérez tchéche.

Éch baroumoaite,
pèr éch preume éd mai 2024.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé d’tous les côtés... pétête (pétête signifie peut-être) !
Adé pi vnez nous rvir.