lette à mn anmi Jean-Luc

Min fiu (fiu : en fran­çais fils)

Éj pux bien t’appeler conme cho piq (piq signifie puisque) , vu tn âge et pi vu l’mien.ne, éj pourroais t‑ête tin pére. J’croés bien qu’i est d’trop tèrd in.nhui (in.nhui signifie aujourd’hui) pour canger nos noms. Quoé qu’tu n’éroais dit ? T’éroais pu t’dénonmer Jean‑Luc Calais, ou bin mi j’m’éroais appelé Jean‑Pierre Vigneux. Fuche (Fuche inter­jection signifiant qu’importe ou ici dommage)  !

I feut qué j’t’ormerciche – ch’est conme cho qu’al éroait dit Tchotchote – pour étn aïude (aïude signifie aide) rapport (rapport à signifie à propos de) à chés pompes-à-trac. Adon, à t’intinde, ou putôt, à t’lire, in.ne pompe-à-trac a sroait in.ne seurte éd city-stade. Bien atombé ! Os sonmes à égalité ti pi mi.

Fidjure-té qu’j’avoais point reuvé. Quanq j’ai nmandé à m’tchote sœur quoé qu’il étoai'te in route à brasser (brasser signifie fabriquer) pèr driére no z‑école, al m’o dit tout net : in.ne city-stade. Quoé qu’ch’est qu’ché nn est qu’éd o qu’éj li nman.ne ? Bé, qu’a m’répond, ch’des jux d’jumastique et pi dé sport pour chés éfants pi minme chés pu grands.

J’avoais comprins, j’n’avoais don point reuvé. Éch conse de com – t’éros dviné, j’nin sus seur, éq ch’est conme cho, achteure (achteure signifie maintenant) , qu’o dénonme éch conseil éd conmune –, éch conse de com, qu’éj disoais, il avoait don décidié d’démangler (démangler signifie démolir) ch’terrain d’tennis-sur-goudron qu’Jean-Gleude, no défunt maire, il avoait foait hanser (hanser signifie construire) din chés énnées quatré‑vingt. À l’plache i y éroait in.ne city-stade, éq ch’est granmint (granmint signifie beaucoup) miux pi bien pu moderne.

Achteure, tout conme Bétincourt, él Chavate, Fortécuiche et pi Grattepanche, Épagne pi Épagnette, no village éd Ferriéres il o és city-stade, i n’est pu à l’train.ne, il o té radiminché (radiminché signifie remis à neuf, vient de radimincher) bien conme i feut. Os n’srons pu roupieux (roupieux signifie honteux) , os srons minme fin fiers éd no cité‑stade tout neue ; no conse de com ch’est des vrais wépes (un wépe est une guêpe et au figuré un champion) à tchul gan.ne (gan.ne signifie jaune et un wépe à tchul gan.ne est un as des as)  !

J’doés étou (étou signifie aussi) t’érmercier pour ét marister-classe d’i y o tchéque (tchéque signifie quelque) temps pi qu’achteure o put vir pi intinde édsu Youtube. Ét marister-classe édsu Tchotchote d’él Tcheue d’Vaque(*) [Marie-Madeleine Duquef] ch’est du nan.nan.
(os voéyez qu’jé n’vous mins point)

Adé, min fiu, pi foait des gros gros bés à Fifine, tin blanc bon.net (blanc bon.net signifie épouse) .

Vous eutes qu’os lisez cho, a n’vous rbée (rbée signifie regarde, vient de rbéyer) point – à pèrt ti, Jean-Luc. Siq os n’savez point quoé foaire, allez don vir él marister-class édsu Tchotchote, al est ichi (Maristér classe S02E06) .

Pi, conme tant puss qu’o récœuffe (récœuffe signifie réchauffe, vient de récœuffer) in.ne platrée d’ramintuvries (ramintuvries signifie souvenirs) , tant puss qu’al est boin.ne, os pouvez rtrouvoér éch Marister éd Creuse(**) [Pierre Duquet] din in.ne eute marister-classe, éq chellòl al est lò (Maristér classe II) , ch’est du boin étou.

Pour nin définir, siq os voulez savoér éch qué ch’est qu’un city-stade, éh bin j’m’in vos vous l’dire : ch’est, un esplusi in boin français, un espace ludique et sportif intergénérationnel. I nn’est qu’d’és croére (I nn’est qu’d’és croére signifie à peu près il suffit d’avoir du culot ou encore il faut être gonflé  !…

Éch baroumoaite,
pèr éch preume éd mars 2023.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête (pétête signifie peut-être) !
Adé pi vnez nous rvir.