tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

os érons vu toute!

« L’ex-ministre de la Santé Agnès Buzyn est mise en examen pour la gestion gouvernementale de l’épidémie de Covid-19 »
(li din chés jornals)

Bé lò, nin vlò d’in.ne eute, Ch’est qu’cha nin foait du busin (busin signifie bruit) , quanq in.ne ancien.ne minisse éd la République a s’foait mette in examen. Soé disant qu’al o point foait ch’qu’i falloait quanq éch covid i nous est tcheu (tcheu signifie tombé, vient de tchair) dsu!

Siq chés juges i leu met'te à foaire du zéle, adoù qu’os allons? I né s’rinde'té don point compte! Ch’est ch’mon.ne à l’invers! Chés juges i sont lò pour mette in prison chés mawais qu’i déroufe'te (déroufe'te signifie volent, vient de déroufler) l’èrgint d’chés bantchiers pi l’fenme qu’al o huit chints (chints signifie cents) euros d’dettes à l’cantine éd sin fiu, pour avoér acaté (acaté signifie acheté, vient de aca­ter) un écran plat. Chés juges i n’sont point lò pour espion.ner chés gins d’la heute, cha n'leu rbée (rbée signifie regarde, vient de rbéyer) point!

Mais lò!… I n’ont don point deux sous d’jugeote, chés juges? S’in prinde à des gins qu’il ont mis leu vie pi leu santé au service éd la Fraaaaaance? Tanq il y sont, i n’ont qu’à mette tout ch’gouvernémint in prison. Éd tous sins (Éd tous sins signifie de toutes façons) , i n’ont mie (mie signifie certai­nement pas) foait miux qu’Agnès Buzyn, alorss, quoé qu’ch’est-ti qu’il attinde'té chés juges pour mette tout ch’mon.ne-lò in prison, hein? Ch’est cho qu’il ont din l’idée d’foaire?

Aprés in.ne avinture pèrelle, a n’sro point des pu facile éd trouvoér des volontaires pour t-ête minisse. Feut comprinde. Pi in 2022, chés candidats-présidints i n’s’in vont point leu boustchuler. Minisse pi présidint, cha s’in vo t-ête des espéces in voée d’dispèrition. Tout conme chés orses blancs, chés cadoreux (cadoreux signifie chardonneret) pi chés cates-soéris (cates-soéris signifie chauves-souris)

I feut don rondébilis (rondébilis signifie rapidement) , hanser (hanser signifie ici créer) in.ne achuchon (achuchon signifie association) éd définche ministérielle, sin o (sin o signifie sans cela) , pu person.ne éne vourro s’foaire nonmer. Pi pour chés votages prédintiels? I n’y o djò point granmint d’votants, siq i n’y o point d’candidats, cmint qu’ch’est qu’a vo s’passer? Tchéche (Tchéche signifie qui) qu’i s’in vo diriger no poéyis?

In tous les cas, mi, j’vous l’dis tout d’suite, ch’est point l’pein.ne dé vnir ém trouvoér. I pourront minme leu mette à genoux, m’édmander tout braiyant (braiyant signifie pleurant, vient de braire) d’t-ête présidint, éj dirai NAN! Nan mais des foés, feut point m’prinde pour un Jacques (prinde pour un Jacques signifie prendre pour un imbécile) !

Éch baroumoaite,
pèr éch seize éd sectimbe 2021.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête (pétête signifie peut-être) !
Adé pi vnez nous rvir.

 


Tchuin d’ziu du 01/10/2021 Tchuin d’ziu du 01/09/2021