tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

éj n’ai point min tchul à l’air

Il éro don follu attinde vingt-troés ans pour évnir à bout d’éch baroumoaite! Tchéqu’un il o dit un jour:
«Siq à chinquante ans o n’o point in.ne Rolex o z-o loupé s’vie»
mais achteure (achteure signifie maintenant) ch’est point cho, ch’est putôt:
«In.nhui (in.nhui signifie aujourd’hui) , siq t’os point un ail-faune, t’existé point»
Et pi vlò: éj n’ai point d’ail-faune!

Cho foait djò in.ne cope éd moés qu’éj n’acate (acate signifie achète, vient de acater) pu rien mon (mon signifie chez) Amazon: point d’ail-faune. Jé n’poéye pu rien avuc Paypal: point d’ail-faune. Jé n’vos pu vir min compte in banque: point d’ail-faune. Et pi ch’pu pire i vient d’arriver, ch’est ch’tchu-air: point d’ail-faune, point d’tchu-air, adon point d’passe sanitaire. Éch cœup ll’est jué.

Dispèroaîte à vingt-troés ans ch’est in.ne belle fin, mais j’éne m’in irai point sans souhaiter ses âges (ses âges signifie son anniversaire) à min tchot (tchot signifie petit) frére, pi surtoute sans vous laissier un tchot cadeau. Ch’est un dessin foait pèr Félix éq j’ai dérouflé (dérouflé signifie dérobé, vient de "déroufler) mon Charlie Hebdo (allez don vérifiez) :

athla qualité est meilleure chez Charlie

Éch baroumoaite,
pèr éch seize d’ahoute 2021.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête (pétête signifie peut-être) !
Adé pi vnez nous rvir.

 


Tchuin d’ziu du 01/09/2021 Tchuin d’ziu du 01/08/2021