tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

éch baroumoaite copé in troés

Abstentions au second tour: 2 électeurs sur 3 (65,71%) ne se sont pas dérangés.
(li din chés jornals)

Éh bin mes gins! ch’est nn est du prope! vlò doù qu’ch’est qu’éj nin sus in.nhui (in.nhui signifie aujourd’hui) : copé in troés, deux qu’i n’veu'té rien foaire pi ch’troésienme qu’i n’sait point quoé foaire. Éd tous sins, a n’est mie gênant piq (piq signifie puisque) o n’srez, ch’cœup-chi, éq trente-troés du chint à lire mes ratros (ratros signifie élucu­brations) !

Cmint (Cmint signifie comment) qu’o put nn ête arrivé lò? Ch’est point l’feute à chés gins qu’il ont té élis. Il ont foait tout ch’qu’i falloait pi sin contraire pour éq toute i voéche (voéche signifie aille, vient de aller) éd travers. Mèrgré tous leus efforts pour combatte éch déréglémint climatique sans rien canger à rien, vlò ch’Canada qu’i s’trute (s’trute signifie se corrompt, s’altère, vient de truter) in Sahara avuc des chinquante à l’ombe –rmèrtchez (rmèrtchez signifie remarquez, vient de rmèrtcher) bien qu’chés Canadiens i peu'té leu mette au solé!… Pétête (Pétête signifie peut-être) qu’chés élis i dvroai'te leu z‑intchiéter. Pi surtoute leu poser des tchestions, tracher (tracher signifie chercher) à savoér à cœuse qu’i n’érprésint'té pu rien pi pu person.ne. Él feute à tchéche (tchéche signifie qui à l’origine qui est-ce) ?

Cho sroait-ti à Hollande, éch sans dints, qu’il o don.né chint miyards à chés patrons, pour qu’il imbeuche'te? Résultat: chint mille imploés, point un d’puss. Un miyon d’mes sous, d’vos sous à vous étou (étou signifie aussi) , pour imbeucher un chômeu? Tchéche qu’i dit miux? I vut miux t’ête patron qu’chômeu, point vrai?

Cho sroait-ti no présidint qu’i trécope (trécope signifie traverse, vient de trécoper) chés rues à londjeurs éd jours, li qu’i foait d’l’imblée (d’l’imblée signifie de l’esbroufe) , pi qu’i n’sait foaire éq cho? Avuc tous chés minisses qu’i passe'té leu temps à foaire éd la com, cmint qu’a s’foait qu’i n-y o yeu qu’troés électeurs sur chint pour aller voter pour sin pèrti?

Éch mon.ne qu’i s’in vo à l’berdandouille (aller à l’berdandouille signifie partir à vau l’eau) , tchéche qu’i nn est responsabe? a n’sroait-ti point chetlò (chetlò signifie ceux, mot à mot ceux-là) qu’i nous gouverne'te? et pi tchéche qu’i s’in vo dvoér y vive? ch’est-ti qu’cha sroait chés paures lazères (lazères signifie misérables) qu’i n’leus ont point déringés diminche passé? Mais ch’est qu’ész eutes étou i y éront droét, vu qu’os y érons droét tertous, éq ch’est l’apocalypse qu’al nous attind tertous!

Du train qu’os allons, ch’est d’ichi dix ans, vingt ans qu’o voérons no mon.ne dispèroaîte, conme échti d’chés dinausores i n-y o soéxante miyons d’énnées. Mais lò, ché n’sro point d’él feute à un cailleu (cailleu d’étoéle signifie météorite) d’étoéle, ché sro l’Honme avuc in.ne gran.ne Hache qu’i n’in sro responsabe. I n’restero pu dsu l’terre éq des frimions (frimions signifie fourmis) , dz éscorpions et pi dz èrignies, tchéques méduses, à mesure (à mesure signifie éventuellement) , din chés mers?…

I feut qu’j’arrête éd débagouler (débagouler signifie déblatérer) , os n’érez qu’él tiers éd min tchuin d’ziu. Est bien d’assez piq os n’srez qu’él tiers pour ém lire!

Éch baroumoaite,
pèr éch preume éd juhiet 2021.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête !
Adé pi vnez nous rvir.

 


Tchuin d’ziu du 16/07/2021 Tchuin d’ziu du 16/06/2021