tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

LIBÉREZ NOS CADOREUX (cadoreux signifie policiers) !

Tabassage de Michel Zecler : les quatre policiers mis en examen, deux écroués…(Agence France-Presse)

Ch’est vrai quoé! Ch’est sûremint coére chés complotisses qu’il ont répindus des mintiries, des fahiques gniouses conme o dit achteure (achteure signifie maintenant) . Non, mes gins, chés cadoreux i n’sont point lò pour mette in prison chés voleux pi chés assassins. Des voleux pi dz assassins, cho tours (tours signifie toujours) té. Din ch’mon.ne intier, i n-y in o tours yeu, pi y in éro tout l’temps. Alorss, qu’i n-y in euche (euche signifie ait, vient de avoér) , o n-y put rien, fuche (fuche ! interjection qui signifie soit !) !

Chés cadoreux i sont lò pour maintnir l’orde. Maintnir l’orde, ch’est foaire éch qu’i feut pour éq rien n’vienche (vienche signifie vienne, vient de vnir) janmoais déturber (déturber signifie déranger, perturber) no brave Présidint. Pi chés cadoreux i foai’te (foai’te signifie font, vient de foaire) cho bien conme i feut. I sont tellemint bien intintion.nés qu’i nin rmet'te in.ne louche. O n’put mie leu nnin vouloér siq i llé foai'te avuc un molé (un molé signifie un peu) d’trop d’vidjeur. O-ti du sin, nan mais?…

Éd tous sins (Éd tous sins signifie de toutes façons) , chés cadoreux il ont l’droét, tout conme ész eutes, à leu liberté d’espression. I feut don les laissier leu z-esprimer. Mais os l’savez bien, él Justice al est avule (avule signifie aveugle) a n’voét qu’chés coupabes qu’i feut vir (vir signifie voir) –, tout conme l’Armée al est muette. Chés cadoreux, hé bin ch’est un molé l’Armée, i sont muets étou (étou signifie aussi) . Alorss i leu z-esprime'te avuc éch qu’il ont à portée d’main: des matraques, des lacrymos, des lbd pi des grenades éd désincerclémint. I peu'te (peu'te signifie peuvent, vient de pouvoér) étou leu servir éd leu pieds. Tchéche (Tchéche signifie qui mot à mot qui est-ce) qu’i pourroait leu nin vouloér?

Ch’est pour cho qu’éj dis qu’i feut libérer nos cadoreux. Il ont rappelé à l’orde un dingéreux criminel: in.ne gin qu’i n’portoait point d’masque. Il ont yeu raison, surtoute quanq o sait qu’éch mawais-lò, il étoait bis d’pieu (bis d’pieu du genre basané) pi qu’in puss il avoait djò yeu affoaire avuc la Justice. Ch’étoait n-y o dix ans pi il o té rcon.nu innochint, mais soin (soin interjection signifiant attention) ! i n-y o point d’feumée sans fu. A s’voét bien dsu s’fidjure éq ch’est un vrai vastépluque (vastépluque signifie chenapan) !

Mettez don chés caméras d’surveillance in prison, él loé Sétchurité globale al est foaite pour, et pi rindez leu liberté à chés paures cadoreux, i n’ont foait qu’leu dvoér. Él preufe al est lò!

Éch baroumoaite,
pèr éch preume éd déchimbe 2020.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé d’tous les côtés... pétête (pétête signifie peut-être) !
Adé pi vnez nous rvir.

 


Tchuin d’ziu du 16/12/2020 Tchuin d’ziu du 16/11/2020