tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

FOAIRE SIMPE, À CŒUSE (à cœuse ? signifie pourquoi ?) ?

ATTENTION, l’accès à votre Espace Client Internet sera très prochainement bloqué si vous n'avez pas de solution d’authentification forte. (la Banque Postale)

Toute il o cminché (cminché signifie commencé, vient de cmin­cher) i n-y o in.ne cope (cope signifie paire) d’énnées; un bieu jour, quanq j’ai té vir mes comptes mon (mon signifie chez) la Banque Postale, in plache d’écrire « bonjour Jean-Pierre », éch robot d’service i m’o atcheuillé avuc un « bonjour Gristiane », éq ch’est ch’prénom d’mon blanc bon.net (blanc bon.net signifie épouse) .

Jé n’m’in sus point rtorné, toute il étoait resté conme édvant, j’avoais tasseulemint cangé d’sexe et pi d’tchot (tchot signifie petit) nom. Est don resté conme cho dusqu’à temps qu’forché pèr chés hocleux (hocleux signifie incapables) d’Brusselles, éj m’értrouve portabilisé.

Quanq j’ai assayé d’mette à jour min compte, cha n’o point té du toute. N’y avoait point moéyin d’moéyin.ner. J’ai pinsé à dman.ner d’l’aïude (aïude signifie aide) , étoait facile, n-y avoait qu’à foaire éch 3639. Ch’est ch’qué j’ai foait. Ch’est in.ne robote qu’al m’o répondu: siq ch’est pour des sous tapez un, siq ch’est pour des chéques tapez deux, siq ch’est pour eute cose (eute cose signifie autre chose) tapez troés. J’ai tapé troés piq (piq signifie puisque) ch’étoait pour eute cose. Lò ch’est in.ne eute robote qu’al m’o robolé (robolé signifie répliqué, vient de robo­ler) : siq ch’est pour gningnin tapez un, siq ch’est pour gningningnin tapez deux, siq… al o continué conme cho dusqu’a … tapez neuf. Éch problinme, ch’est qu’jé n’rintroais point din in.ne seule éd chés neuf cases. Chés robotes i n’vouloai'té point d’mi. Cmint (Cmint signifie comment) foaire?

Conme jé n’sus point l’mitan (l’mitan signifie la moitié) d’in.ne bête, j’ai fini pèr déteuper (déteuper signifie trouver) ch’liméro d’min conseiller phynancier. Lò ch’étoait point un robot, ch’est in.ne gin qu’i m’o répondu. J’ai apprins, grâce à li, non seulemint qu’min blanc bon.net l’avoait un compte à sin nom, mais qu’mi étou jé nn avoais un d’compte, éq person.ne i n’y avoait janmoais té rbéyé (rbéyé signifie regardé, vient de rbéyer) . Ch’éroait point té mi, piq jé l’savoais point. I m’o don invoéyé in.ne lette pèr éch facteur avuc un liméro éscret pi provisoére pour déblotcher min compte.

És lette invoéyée l’vingt-chonq (chonq signifie cinq) éd sectimbe al est arrivée din no boéte à lettes éch preume d’octobe. J’ai action.né min compte pi cangé chu liméro éscret pi provisoére. Pi toute i s’a puss ou moins bien passé, minme él mise in plache éd leu service certicon. Pour pouvoér continuer d’aller vir éch compte à Gristiane il falloait action.ner l’minme service certicon. Ch’est lò qu’mes décarsures (décarsures signifie mésaventures) il ont cminché.

Quanq j’ai voulu action.ner leu meudit certicon a n’o point té du toute. J’éroais dû rchuvoér un code éscret dsu min portabe pi j’né rchuvoais rien du toute. J’ai attindu in.ne cope éd jour, pi j’ai rcminché. Pèrel! Jé rtéléphon.ne à ch’conseiller phynancier, pi lò j’apprinds qu’min liméro d’portabe (point min patalon, min téléphon.ne) i n’est point boin.

Est tchurieux. Éj n’ai rintré qu’in.ne seule foés ch’fanmeux liméro; dsu min compte il est boin pi dsu chti d’Gristiane i n’est point boin. Ch’est ch’robot d’service qu’i s’éro berluré (berluré signifie trompé, vient de berlu­rer) , probabe (probabe signifie probablement) . Bié seur, cho ch’est ch’conseiller qu’i mé ll’apprind. Li, dsu sn ordinateur i voét tout cho, mais mi chés liméros jé szés voés point, éj n’ai point l’droét dé szés vir. Jé n’pux don point dviner qu’i n-y in o un qu’il o té mèrdoché (mèrdoché signifie déformé, vient de mèr­do­cher) ! Ch’conseiller i s’in vo m’rinvoéyer pèr éch facteur un mot d’passe provisoére et pi scret. Ch’étoait rpèrti pour un tour.

Six jours pèr aprés, drès qu’j’ai yeu rchu s’lette, j’ai foait tout ch’qu’o m’disoait d’foaire pi j’nin sus vnu à bout, infin presque… Arrivé à l’darin.ne (darin.ne signifie dernière) étape, édsu min téléphon.ne éj rouve l’appli la Banque Postale. Cha mèrche pi vlò ch’qu’i s’affiche, in grand édsu min tchot écran: action.ner certicon. J’aflate (aflate signifie caresse, vient de afla­ter) éch l’écran à ch’l’indroét qu’i feut. Patatrac! Él page al cange, pi quoé qu’ch’est qu’i s’affiche?
Os allez rchuvoér din vo boéte à lettes un mot d’passe provisoére et pi scret…

Ch’est conme cho qu’éj m’ai aperchu qu’chés certicon.nèrds, chés grands asteux (gtands asteux en français gros malins) d’la Banque Postale il avoai'te invintion.né ch’mouvemint perpétuel, ch’mouvemint perpétuel, ch’mouvemint perpétuel, ch’mouvemint perpétuel…

Éch baroumoaite,
pèr éch seize d’octobe 2020.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête (pétête signifie peut-être) !
Adé pi vnez nous rvir.

 


Chapitre conjugaison, verbes commençant par S...Z Tchuin d’ziu du 01/10/2020