tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

droét din ch’mur

Pèr aprés chés votages (votages signifie élections) , éch Présidint i ll’o bien dit, pu écolo qu’li os n’trouvaroème point! Il avoait bien rchu ll‘élçon: chés Français i vouloai'te qu’o seuve no planéte. Os pouvoème compter dsu li. Ch’message i n‘étoait point tcheut (tcheut signifie tombé, vient de tchair) din l‘érelle d‘un sourdiu.

Os ons don yeu un nouvieu gouvernémint. Avuc un Cassetête conme prémier minisse. Un Cassetête qu’i brasse éd l’air, qu’i foait d’la com conme o dit achteure (achteure signifie maintenant) . Il est tout pèrtoute i s’espadron.ne (s’espadron.ne signifie s’agite, vient de s’espadron.ner) i vo éd déclèration in déclèration, mais i n’foait rien. O sint qu’o put li foaire fiate (fiate signifie confiance) . I n’fro point d’l’ombe à no Présidint Manubu.

Un présidint qu’i n’o vraimint point d’chance. Vlò-ti point qu’chés bétraves il ont la jaunisse? In.ne maladie qu’a n’pèrdon.ne point! I falloait don foaire tchéque cose (tchéque cose signifie quelque chose) pour seuver chés malheureux bétraviers au bord d’él tchulbute (tchulbute signifie faillite) . Os szés con.naissez chés bétraviers. Des paures gins, mèrchez! Tasseulemint un d’leus méchants tracteurs i coûte troés foés pu tchér qu’éch prix d’vo moaison. Prêts à leu défoaire (s’défoaire signifie se suicider) , chés bétraviers!

Alorss, rondébilis (rondébilis signifie rapidement) , él réponse al est tcheute! I falloait seuver chés paures miséres (paures miséres signifie pauvres misérables) éd bétraviers! Bin ch’est foait. I s’in vont pouvoér aca­ter (aca­ter signifie acheter) à l’gron.née (à l’gron.née signifie à profusion) des monts (des monts signifie des quantités) d’néonicotinoïde, éq ch’est du poéson interdit dpu troés ans. Avuc cho, chés bétraviers i sont récoués (récoués signifie ici rendus à la vie, vient de récou­er) … pi chés mouques à mié (mouques à mié signifie abeilles) don! Elles étou (étou signifie aussi) qu’i s’in vont ll’avoér belle. Des mouques qu’i s’in vont moérir à ti à masse (à ti à masse signifie à foison) . D’autchuns (D’autchuns signifie certains) i prétinde'te qu’Einstein il éroait dit: «Siq o foait moérir chés mouques à mié, éch mon.ne i n’éro pu qu’quatre énnées à vive.» Pétête (Pétête signifie peut-être) qu’Einstein i n’o janmoais dit cho, mais pétête bien qu’ch’est vrai tout d’minme. Tchéche qu’i sait (Tchéche qu’i sait signifie qui sait mot à mot qui est-ce qui sait) ?

Quoé qu’ch’est qu’os voulez, tanq éch mon.ne i sro mné avuc éch greuet (greuet signifie croc) à Phynances d’éch Pére Ubu, os irons droét din ch’mur, pi au grandéssime (grandéssime est un superlatif de grand) galop coére!

Éch baroumoaite,
pèr éch seize d’ahoute 2020.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête !
Adé pi vnez nous rvir.

 


Tchuin d’ziu du 01/09/2020 Tchuin d’ziu du 01/08/2020