tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

él moaison Tchotchote

A y est, est foait! chés contrévints d’él moaison Tchotchote i s’in vont rouvrir. Ch’est la ville d’Anmiens qu’a ll’o racaté (racaté signifie racheté, vient de raca­ter) pi qu’al s’in vo ll’louer à in.ne achuchon (achuchon signifie association) . Est miux, surtoute, bien miux qué d’t-ête vindue à un mèrchand d’pinmes é terre (pinmes é terre signifie pommes de terre) frites!

O diroait qu’jé ll’intinds coére (coére signifie encore) Tchotchote, quanq al nous disoait qu’a n’vouloait point qu’aprés elle és moaison al fuche (fuche signifie soit, vient de ête) vindue à la Ville. A nin démordoait point. Feut dire qu’al étoait tours (tours signifie toujours) in bisbille (bisbille signifie ici conflit) avuc él municipalité. Qu’a fuche avuc Lamps* [maire d’Amiens de 1971 à 1983] ou bin avuc Robien** [maire d'Amiens de 1989 à 2002], al étoait tours érmontée (érmontée signifie en colère) aprés eux. Avuc Robien, ch’étoait ch’coq (ch’étoait ch’coq signifie c’était le comble) . I n’avoait-ti point prins l’mitan (l'mitan signifie la moitié) d’sin gardin pour han­ser (han­ser signifie ici construire) ch’pèrkinge éd chés Antitchaires? Al li in vouloait à mort.

Tiens, pi chés antitchaires, tant qu’o z-y est, a né szés portoait point din sin tchœur nan pu. Ch’est minme rapport à (rapport à signifie à cause de) cho qu’à chés réderies (réderies signifie ici brocantes de trottoir) al racatoait tout ch’al voéyoait d’lives édsu sin wèrtier (wèrtier signifie quartier) Sant-Leu ou bin l’ville d’Anmiens. Al racatoait étou (étou signifie aussi) chés théïâtes éd cabotans (cabotans signifie marionnettes) , des foés qu’cha éroait pu ratri­ver (ratri­ver signifie intéresser, attirer) un brocanteu, pi qu’i l’éroait rvindu pu tchér éq du poéve. Sin guernier il étoait badjé (badjé signifie rempli, vient de ba­djer) d’cabotans et pi étou d’lives –asseuré qu’i ll’est tours in.nhui (in.nhui signifie aujourd'hui) !

Pi au final, ch’est tout d’minme la Ville qu’a ll’o racaté, l’moaison Tchotchote. Mais pétête (pétête signifie peut-être) qu’al avoait cangé (cangé signifie changé, vient de canger) d’avis. Du jour qu’al o té pèrtie in moaison d’értraite à Corbin, al o hanté (hanté signifie fréquenté, vient de han­ter) un dénonmé Aloïs – est drôle, jé n’mé ramintuve (j’ém ramintuve signifie je me souviens, vient de ramintu­voér) pu d’sin nom d’famille à chtilòl. Tchéche (tchéche signifie qui est-ce) qu’i sait? Pétête qu’a nn o distchuté avuc li pi qu’al o fini pèr nin pèrler à sin nveu –un nveu qu’al appeloait Monsieu quanq i vnoait l’vir à mesure (à mesure signifie ici parfois) ?

Tours est-ti qu’éch cœup l'est foait. Pi la Ville al s’in vo louer él vingt-troés d’él rue d’él Tcheue d’vaque. O dit qu’cha sro à des picardisants. O z-y intindro don coére du picard, pi cho ch’est rudemint bien. J’croés bien qu’adoù qu’al est achteure (achteure signifie maintenant) , Tchotchote al doét tout d’minme éne ête continte!

Éch baroumoaite,
pèr éch seize éd juhiet 2020.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête !
Adé pi vnez nous rvir.

 


Tchuin d’ziu du 01/08/2020 Tchuin d’ziu du 01/07/2020