tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

PIQ (piq signifie puisque) o vous dit qu'toute i vo bien…

Os ll’avez-ti intindu, diminche au soér? ll’étoait-ti point contint d'li? ll’étoait-ti point fiér dé sn étchipe? in.ne étchipe qu’al o seu mner éd main d’moaîte éch combot conte éch virus covid19? I nn est qu’dé s’croère(*) [signifie approximativement : il suffit d'avoir du culot] , mais j’croés putôt qu’i foait sen.nant (sen.nant signifie semblant) . Jé n’croés point qu’i fuche (fuche signifie soit, vient de ête) con (confini?) au point d’croère li minme éch qu’i vut nous foaire in­cor­ser (in­cor­ser signifie ingurgiter) .

J’croés putôt qu’i veut surtoute qu’os oblionche. Qu’os oblionche tous chés ratages pi, coére (coére signifie encore) puss, tous chés mintiries qu’i nous ont débagoulées (débagoulées signifie dégoisées, vient de dé­ba­gou­ler) durant prés d’troés moés. À ll’intinde tout il est rmis d’étcherre (d’étcherre signifie d'aplomb) . O s’in vo pouvoér torner l’page. Révnir à ch’berzillage (berzillage signifie massacre) éd chés rtraites, révnir à l’rintabilisation d’chés hôpitals. Pi pour éq chés action.naires d’éch cac-quèrante i n’y perde'té point l'mitan (l'mitan signifie la moitié) d'un sou, i s’in vo falloér ouvrer (ouvrer signifie œuvrer, travailler) puss.

In attendir, ch’est tours (tours signifie toujours) él minme, chu boin roé Manubu i s’adréche à sin peupe. Ch’est point in.ne rinconte avuc des jornalisses, conme minme éch dessinsé (dessinsé signifie fou, toqué) d’Trump i put nin foaire. Ch’est la Sainte Parole éd Sa Majesté qu’al sé répind dsu nos têtes, qu’al rinte din nos érelles. O n’pose point d’tchestion. O n’o pu qu’à dire amen. O n’o pu d’méchant sang à s’foaire, n-y o tchéqu’un (tchéqu’un signifie quelqu'un) qu’i pinse à no plache. Qu’o z-est-ti heureux in Macronie!

Pi pour finir, vlò un tchot (tchot signifie petit) bout d’in.ne piéche éd théïâte (in.ne conmédie, bié seur):

La Castagne, grand chef éd chés cadoreux (cadoreux signifie policiers) d'éch Pére Ubu:
— À pèrtie d’in.nhui (in.nhui signifie aujourd'hui) , os n’érez pu l’droét d’étran.­ner (étran.ner signifie étrangler) chés gins.
Éch tchœur éd chés cadoreux:
— Sié, sié! Os voulons coére étran.ner chés gins!
La Castagne, aprés un momint d'réflexion:
— Bon, bé alorss, rien qu’un tchot molé (un tchot molé signifie un petit peu) , et pi tout duchemint.

Éch baroumoaite,
pèr éch seize éd juin 2020.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête (pétête signifie peut-être) !
Adé pi vnez nous rvir.

 


Tchuin d’ziu du 01/07/2020 Tchuin d’ziu du 01/06/2020