tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

jé m’déconfilme

Cha foait achteure (achteure signifie maintenant) troés smain.nes éq jé m’déconfilme. Tous les jours au matin, un film, tous les jours aprés-non.ne (aprés-non.ne signifie après-midi) , un eute film pi tous les jours au soér un troésienme film. Dusqu’adoù qué j’tarai (tarai signifie tiendrai, vient de tnir) , éj né l’sais point, mais pour ch’qu’i nn est d’in.nhui (in.nhui signifie aujourd'hui) , a vo!

Du début j’ai rbéyé (rbéyé signifie regardé, vient de rbéyer) des trucs qu’éj con.naissoais djò, pi qu’i m’plaisoai'té bien, mais achteure, ch’est tout du contraire. Éj trache (trache signifie cherche, vient de tracher) des films éq jé n’con.noais point. Mais soin (soin interjection signifiant attention) , foait pèr des gins qu’éj con.noais!

Ch’est conme cho qu’j’ai déteupé (déteupé signifie découvert, vient de déteuper) Les Neiges du Kilimandjaro, un film éd 1952 foait d’aprés ch’live d’Hemingway, os savez bien, éch meudit inragé d’cache (cache signifie chasse) et pi d’toérrida. Bé, j’pux vous dire qu’Henry King, éch metteu in scéne et pi chl’acteur Grégory Peck i n’m’ont point foait canger d’avis. Quanq o cminche (cminche signifie commence, vient de cmin­cher) avuc du brin, o finit avuc du brin.

Heureusemint qu’a n’est point tours (tours signifie toujours) aussi nul à tchier. Éj vous invite à rbéyer Les Chemins de Katmandou, foait in 1969 pèr Cayatte avu ll’aïude éd Barjavel. Os y rvoérez ch’sourire un molé (un molé signifie un peu) tran.nant (tran.nant signifie tremblant, vient de tran.ner) d’Jane Birkin, chés gringnes (gringnes signifie grimaces) à Gainsbourg. Ch’est chu rgard à Cayatte édsu chl’aprés 68 –il est interdit d’interdire!

Mais surtoute éj vourroais (vourroais signifie voudrais, vient de vouloér) qu’os rbéyèche Au feu, les pompiers. Ch’est un film éq Milos Forman il o torné in 1967, édvant d’t-ête obligé d’és réfugier in France. Ch’étoait ch’printemps d’Prague qu’i s’inseuvoait dvant chés tanks à Brejnev. Au feu, les pompiers ch’est don ch’darin (darin signifie dernier) film qu’Milos Forman il o foait in Tchécoslovaquie, pi ch’est sin prémier film in couleur.

Tâchez dé l’trouvoér, éd tous sins (éd tous sins signifie de toutes façons) cha sro tours miux éq d’acouter chés ratros (ratros signifie lamentations) d’un viux con, filmé ou bin point (j'ai té rvir étou Nelly et Monsieur Arnaud avuc Emmenuelle Béart pi Michel Serrault).

Éch baroumoaite,
pèr éch preume éd juin 2020.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé d’tous les côtés... pétête (pétête signifie peut-être) !
Adé pi vnez nous rvir.

 


Tchuin d’ziu du 16/06/2020 Tchuin d’ziu du 16/05/2020