tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

colle cho à t’manche

Nin vlò-ti in.ne belle espression qué j’mé nman.ne (nman.ne signifie demande, vient de nman.­ner) bien d’tchéche (tchéche signifie qui) éq jé l’tiens! J’né ll’ai janmoais vue écrite neune pèrt din chés texes éq j’ai li, mais à l’arbout (à l’arbout signifie au contraire) , éj sus seur dé ll’avoér intindue. Jé ll’ai point invintée, ch’est-ti qu’cho sroait un mot qu’i varoait (varoait signifie viendrait, vient de vnir) d’no famille? d’nos villages, Dreu ou Ferriéres? Pi vous eutes os l’con.naissez-ti? Os savez-ti quoé qu’a vut dire?

Éj vos assayer d’t-ête clair, mais ch’est point des pu facile. À no moaison quanq o disoait «colle cho à t’manche» ch’étoait pour dire à tchéqu’un: «Os vnons dé nn apprinde des belles édsu tin compte, t’o foait lò in.ne rude bétise et pi tout l’mon.ne i llé séro (séro signifie saura, vient de savoér) .» Ou bin alorss ch’étoait quanq tchéqu’un il étoait atchusé d’in.ne feute; qu’il euche (euche signifie ait, vient de avoér) foait qu’il euche point foait, o li disoait «colle cho à t’manche». Os voéyez ch’qu’éj vux dire?

Pi doù qu’al sorte, in.ne tornure pèrelle? ch’est pétête à cœuse éd chés militaires qu’i s’colle'té des galons dsu leu manche d’habit? Cho, asseuré (asseuré signifie certainement) qu’os né l’sérons janmoais. Bon o nn’allons point y passer six smain.nes, os avez comprins, ou bin alorss os n’comprindrez janmoais. Siq éj vous pèrle éd cho, ch’est qu’él dix-sept d’avri j’ai écrit deux troés lignes avuc conme tite «Colle cho à t’manche» din min jornal durant ch’confinemint. Un jornal qu’os m’direz? bin ouai, pi siq os voulez ll’lire in intier –n-y o à boère et pi à minger–, os n’avez qu’à clitcher dsu ch’tite qu’il est lò jusse in-nsous:

MIN JORNAL DURANT CH’CONFINEMINT

×

« Ne parlez pas de violences policières. Ces mots sont inacceptables dans un Etat de droit. »
[Macron 07/03/2019]

Bié seur qu’i n’y o point pi qu’i n’y o janmoais yeu éd randouillées cadoreuses (randouillées cadoreuses signifie bastonnades policières) . Ch’est leu min.niére à eux-eutes éd nous cowater (cowater signifie dorloter) . Os pouvez vérifier din tous chés vidéos qu’os pouvez trouvoér édsu no site. Achteure (Achteure signifie maintenant) , os n’sonmes pu din un État d’droét et pi vlò min jornal durant l’épidémie :

Février

quate éd février 2020
Intindu Jérôme Salomon, un confini, qu’i nous dit : «  Pas d’épidémie en France ».

Mars

douze éd mars
Jean-Michel Blanquer, minisse pi confini étou (étou signifie aussi) , i nous déclaque (déclaque signifie ici certifie, vient de déclatcher)  : « Pas question de fermer les écoles  »

tchinze éd mars
L’minme confini i confirme «  Toutes les écoles seront fermées pour 15 jours dès lundi  ».
D’éch gouvernémint d’confinis : « diminche os irez voter pi lundi os srez confinés »

seize éd mars
Apprins pèr chés jornals : 45 milliards pour soutenir les entreprises…
et pi combien pour éco­rer (écorer signifie soutenir) l’hôpital qu’il étoait djò à bout d’forche édvant qu’l’épidémie al écminche (écminche signifie commence, vient de cmin­cher)  ?

vingt-quate éd mars
Un minisse confini, conme ész eutes, i nous pèrle dé chl’hôpital militaire annonché l’seize mars. Il est prêt ; 30 lits, à ch’train lò…

vingt-huit éd mars
Intindu din ch’poste : « éch gouvernémint i cmande (cmande signifie commande, vient de cmander) un miyard éd bèrboéres (bèrboéres signifie masques)  ». Édpu l’31 d’janvier, o sait qu’éch virus il est arrivé in Italie. Quasimint 2 moés pour prinde él décision. Foaisez (foaisez signifie faites, vient de foaire) éch compte : 2 moés d’réflexion + 2 moés d’fabrication + 2 moés d’distribution… In attendir (In attendir signifie en attendant) , ch’est-ti point d’él mise in danger d’él vie de chés soégnants qu’i n’y in o point un d’étchipé ? Quoé qu’ch’est qu’il attinde'té pour déposer plainte conte no gouvernémint éd confinis  ?

vingt-neuf éd mars
Os apprins cmint qu’il est foait ch’décompte des morts in France : ch’est seulemint chés morts din chés hôpitals. I nn o sûremint autant qu’i meur'té din chés Épades, pi autant din leu lit à leu moaison. Ch’décompte il est foait pèr un confini.

trente éd mars
No gouvernémint d’confinis i pèrle éd nation.nalisation… Bié seur ! quanq chés interprinzes i perde'té d’l’èrgint, i feut szés nation.naliser. Conme cho ch’est ch’contribuabe qu’i poéro chés dividendes à chés action.naires.

trente-et-un d’mars 2020
Macron i visite in.ne interprinze qu’al fabrique des bèrboéres (bèrboére signifie masque) . Conme Clémenceau din chés tranchées in quatore. I nous don.ne lò l’eximpe d’un déplachemint inutile. À moins éq «  la com  » éne fuche (fuche signifie soit, vient de ête) él priorité d’chés priorités pour no confini d’présidint ?

Avri

preume d’avri 2020
Coére un TGV d’pèrti avuc 30 malades ! i nin feudroait un chint pour soulager ches hôpitals pèrisiens. J’apprinds étou qu’à Londres, il ont hansé (hansé signifie construit, vient de hanser) , in in.ne ésmain.ne, un hôpital éd campaingne éd 4000 lits ; 120 foés d’puss qu’échti foait à Mulhouse. In France os n’ons point d’hôpiral militaire éd 4000 lits, mais os ons un gouvernémint d’confinis !

deux d’avri  :
Intindu un député socialisse dire « Macron il o raison, ch’est la djerre, i sont in route à nous rjuer juin quèrante ». Mi j’dis qu’ch’est point juin quèrante, ch’est la Bérézina ! Ch’est conme cho quanq o z‑o un gouvernémint d’confinis.

troés d’avri
Li din chés gazettes.
Le Monde :
«  l’agenda écologique d’Emmanuel Macron percuté par la crise sanitaire  » No confini éd Présidint i foait d’l’écologie avu ch’greuet (greuet signifie croc) à Phinances d’éch Pére Ubu.
Li din Libération, Didier Lallement, préfet d’police éd Pèris il o déclèré :
«  Ceux qui sont aujourd’hui hospitalisés, ceux qu’on trouve dans les réanimations, ce sont ceux qui, au début du confinement, ne l’ont pas respecté, c’est très simple, il y a une corrélation très simple ». Conme o dit din min poéyis, d’un tchul foéreux, i n’vient qu’d’él drinse (drinse signifie matières fécales diarrhéiques)  !
Tchéques heures pèr aprés, communitché d’él préfecture éd police :
«  Didier Lallement regrette les propos qu’il a tenus ce matin lors d’une opération de contrôle des mesures de confinement et tient à les rectifier  ». Éch principal intré deux confinis conme Lallemand pi Castagnier, ch’est d’és mette bien d’accord insen.ne.

quate d’avri
Pu d’mille morts in 24 heures. In France os n’ons point d’bèrboéres, mais os ons des confinis. Ch’est eux qu’i nous gouverne'te.
Li mon (mon signifie chez) chés mutins de Pangée él réponse à ch’confini de Lallement d’un médecin qui gère des fins de vie de malades graves du Covid, non prioritaires en réanimation :
Vous avez compris ? Si vous crevez aux urgences, ce n’est pas parce que ceux qu’on trouve au sommet de l’Etat aujourd’hui nous ont dit, en même temps, d’aller au théâtre, d’aller voter, d’aller bosser et de rester chez vous ou chez nous (on sait plus), pas parce qu’ils n’ont eu comme obsession jusque-là que de supprimer du personnel de santé, des lits, pas parce qu’il manque de tout (même de sacs mortuaires), pas parce qu’ils ont préféré faire des milliards de cadeaux aux patrons du CAC 40 pour aucun ruissellement plutôt que de sauver nos hôpitaux ou plutôt que d’acheter des stocks de masques quand on a vu le coronavirus arriver à nos portes, pas parce qu’ils étaient obnubilés par passer en force la réforme des retraites au 49.3, ni par les élections municipales, ni par les performances de Griveaux, ni parce qu’ils ont abandonné à la faillite les usines qui fabriquaient des masques (Honeywell de Plaintel), des bouteilles d’oxygène (Luxfer), ni parce qu’ils ont jugé inutile de fabriquer sur le territoire des médicaments indispensables à la réanimation dont on manque aujourd’hui aux urgences, ni parce qu’ils ont méprisé les revendications des personnels de santé depuis des années, leur répondant à coup de matraques, de grenades, de LBD, de gaz lacrymo, quand les soignants et les syndicats tiraient tout simplement le signal d’alarme... non rien de tout ça, aucune corrélation, si vous crevez du coronavirus c’est que vous êtes... une bande de cons !
O z-attind tours (tours signifie toujours) él démission d’éch confini d’Lallement.

chonq (chonq signifie cinq) d’avri  :
Le président de l’AP-HP demande aux Parisiens de respecter le confinement. (d’après l’AFP)
Pour nous dire cho, Martin Hirsh il o un bèrboére, il est-ti homolodjé ?
In tous les cas ch’Dur et pi ch’Mo i sont au rados (au rados signifie à l’abri) . Leus blancs-bon.nets i leus in ont tricoté in.ne poaire.
In.ne fenme qu’al avoait ratché (ratché signifie craché, vient de ratcher) dsu des cadoreux, al o té confinée pèr chés juges din l’prison d’Anmiens pour deux moés.
Combien d’contaminés in France ? Ch’est selon.
D’après Salomon, no confini d’directeur éd la Santé, éch quate d’avri : 68605.
Mais au dire éd ll’université améritchain.ne Johns-Hopkins : 90853.
A vo avis, tchéche qu’il o raison ?
Conmunitché éspécial : Vu l’ décarsure (décarsure signifie débacle) éq ch’est dsu l’terre,
jé n’deschindrai point à Pâques.
Ch’est vous eutes qu’os monterez !

(Jésus-Christ)
[et marci à m’tchote sœur]

six d’avri
Él 17 éd mars, Sibeth Ndiaye, porté-parole confinie d’no gouvernémint al disoait : «  Les Français ne pourront pas acheter de masques dans les pharmacies, car ce n’est pas nécessaire si l’on n’est pas malade  » In.nhui (in.nhui signifie aujourd’hui) él minme gouvernémint d’confinis i nous dit qu’tout l’mon.ne i doét porter un bèrboére. Du moins, siq él production a llé permet.
Hihihi !… Os voéyez, minme chés confinis i peu'té canger d’avis
In plein coronavirus, éch directeur de l’ARS Grand Est confirme  : « 600 suppressions de postes à l’hôpital de Nancy. Il n’y a pas de raison de remettre en cause le Copermo pour le CHRU de Nancy » a estimé éch confini d’service, Christophe Lannelongue.
Li din Libé : «  Lundi poésie : aujourd’hui, “nous mangions en silence tels des cénobites”…  »
Ch’est bien vrai cho, les cénobites trantchilles !

sept d’avri
Éj n’ai point intindu in.nhui un seul éd nos confinis d’éch gouvernémint. Ch’est-ti qu’il éroai'te érchu des muséliéres pour leus étchiper ?
In attendir, j’ai déteupé (déteupé signifie découvert, vient de déteuper) un site qu’i m’o bien plé (plé signifie plu, vient de plaire) : les cénobites tranquilles (allez-y don foaire un tchot tour) j’y ai li des texes conme jé sz’ainme, éj vous invite à nin foaire autant.

huit d’avri
Pèr nuit, j’ai déniché, un molé (un molé signifie un peu) pèr hazerd, in ransant (ransant signifie flanant, vient de ranser) mon chés cénobites, un eute site qu’i m’o coére plus plé : La feuille Charbinoise (ch’est du boin) O z-y dit in français ch’qué j’pinse in picard, et pi est bien dit. J’y ai trouvé étou in.ne carte éd France qu’al asplique écmint qu’din chés hôpitals os nin sonmes évnus doù qu’os nin sonmes in.nhui :
Os voéyez qu’ch’est point d’in.nhui qu’chés confinis qu’i nous gouverne'te il ont décidiés éd rinde chés hôpitals rintabes. Ch’o té pubié din ch’Figaro, un jornal anarchisse bien con.nu.
Christophe Lannelongue il o té viré d’sin poste éd directeur éd l’ARS Grand Est. Supprimer des postes din chés hôpitals, ouai, est bien, mais in puss, él djeuler dsu chés toéts, nan. I feut t-ête coére pu confini qu’chés pu grands confinis !
À intinde Bruno Lemaire, minisse confini d’no Écononmie, l’État i s’in vo nationaliser à fond d’train. Bié seur, quanq ches interprinzes al gaingne'té dl’èrgint, o szés privatise, pi quanq i nin perde'te, o szés rnation.nalise. D’un sin, chés action.naires il ingrange'te, pi d’l’eute ch’est chés contribuabes qu’i poéye'te.
Éd sin côté, Michelin i s’in vo « développer, fabriquer et mettre à disposition, dans des délais très courts des masques FFP2 et FFP1 en grande quantité ».
I n’ont jamoais mis qu’dix smain.nes édvant d’érmuer leu tchul.

dix d’avri
Intindu din chés radios : « 77% des Français pensent que le gouvernement leur a menti à propos de l’épidémie ». Chés 23% qu’i rest'te, ch’est chetlò qu’i n’pinse'té point ! Minme point quanq éch confini d’La Castagne i dit, sans rire : « Il n’est pas question de guerre des masques entre les collectivités et l’Etat ». Vu sur le site des mutins de Pangée : « T’as ton masque ? T’as bien mis l’heure sur ton attestation ? Tu es sorti combien de fois ce mois-ci  ? Et le chien il a fait caca ? T’as bien laissé reposer tes courses plusieurs heures sur le palier ? Comment tu fais avec le congelé ? T’as nettoyé ton paquet de chips avec des lingettes ? Tu sais qu’on en a jusqu’à l’été, et même peut-être l’automne ? Et qu’après ça va être encore très long ? Tu fais quoi à Noël ? Il y a eu le monde d’avant, il y a le monde de pendant et il y aura le monde d’après… Tu sais faire un masque au fait ? »

onze d’avri
Médiapart : Des livraisons en retard, des opportunités ratées, des interlocuteurs fiables méprisés et, "in fine", des importations plus efficaces pour les entreprises que pour les soignants: une nouvelle enquête de Mediapart, étayée par des témoignages et des documents confidentiels, démontre les choix stratégiques catastrophiques du gouvernement dans l’approvisionnement du pays en masques. In.ne preuve éd puss qu’os ons bien un gouvernémint d’confinis !

douze d’avri
Rien à dire. Jé m’sus mis in vagances. J’ai rbéyé (rbéyé signifie regardé, vient de rbéyer) troés films : Nosferatu, qu’éj con.noais pèr tchœur, Les tontons flingueurs pour él tchinzieinme foés, pi Fitzcarraldo d’Herzog, éq jé n’m’in lasse point.

treize d’avri
Értrouvé un molé (un molé signifie un peu) pèr hazèrd, édsu "20Minutes", in.ne déclèration d’Agnès Buzin, jusse aprés éq d’ête minisse confinie éd la Santé, al fuche (fuche signifie soit, vient de ête) pèrtie cabaler (cabaler signifie ici mener campagne) à chés élections : « J’ai pu m’engager pleinement dans les municipales en quittant un ministère où j’ai réglé de nombreux dossiers : le dossier hôpital était derrière moi et, concernant le coronavirus, j’ai anticipé l’épidémie en préparant le système de soins. » Os maginez qué décarsure éq ch’éroait té, siq a n’avoait point prévu toute ?
Tanq à Gille Legendre (chef éd La République En Marche à l’Assemblée), il o pu pèrler sans rire d’« un plan d’investissement massif pour l’hôpital ».
(Vir él quèrte éd France un molé pu heut !)
Pi au soér, quoé qu’o put attinde éd no confini d’Président ?… quoé qu’éj dis, Manubu i n’est qu’éch présidint d’un quèrt éd chés Français, chés confinis qu’i n’pinse'te à rien. I vo pétête (pétête signifie peut-être) nous raconter ch’qu’i leus ont dit durant troés heures, li pi ch’professeur Didier Raoult. In tous les cas, éne vous attindez point, surtoute, à ch’qu’il asplique tous chés tripatouillages à perpos d’chés bèrboéres, pi tous chés mintiries qu’os ons dû in­cor­ser (incorser signifie ingurgiter) dpu biétôt troés moés, édsu chés blouses, chés tests, chés médicamints, él déconfinition… éj vux dire éch déconfinemint ! D’tous les façons, assuré (assuré signifie à soup sûr) qu’pour li, cho sro la déconfiture…

quatore d’avri
Lò, os pouvez nn êtes sûrs, chés bèrboéres, chés blouses, chés tests, chés médicamints, toute i sro lò, toute i sro in plache pour chu onze éd mai. Piq o déconfine éch jour-lò, ch’est qu’toute i sro d’étcherre à ch’momint-lò. Ch’est no confini d’Présidint qu’i ll’o annonché hier au soér ! Os savez qu’o put li foaire fiate (fiate signifie confiance) , i n’o jamoais mantché d’parole, jamoais foait d’contes à Robert Mon.noque… Infin point granmint (granmint signifie beaucoup)  !… « N’étant spécialistes ni en ceci ni en cela, ils sont compétents en tout, notamment pour nous éclairer sur l’amour, la mort, et même la cuisson des pois chiches. » Cho, ch’est un morcieu d’artique d’éch jornal La Croix, écrit pèr Alain Rémond. J’m’ai dit, in preume, éq La Croix al avoait rtorné s’ritchimpette. Aprés avoér appelé à voter Macron, i llé dégonmoai'te. J’croés bien qu’éj m’ai berluré. Ch’est aprés chés philosophes qu’i nn avoait, éch Rémond. Mais quanq j’y rpinse jé m’dis éq ch’est pétête bien tout d’minme à no confini d’Présidint qu’i s’in prindoait, mais sans l’dire vraimint. I n’sroait-ti point un molé jésuite des foés, échl Alain Rémond ?

tchinze d’avri
Une infirmière en réanimation : « On nous envoie au front sans arme ».
À tchéche qu’o dit merci, Mame l’Infirmiére ?
Rintabilisez , rintabilisez qu’i disoai'té chés confinis qu’i nous gouverne'te .

seize d’avri
Pèr nui j’ai yeu conme in.ne figée (in.ne figée c’est un écair) qu’al o trécopé (trécopé signifie traversé, vient de trécoper) mes boéyeux d’chervelle. J’ai comprins à cœuse (à cœuse signifie pourquoi) éq chés gins, du début d’éch confinemint, il acatoai'té (acatoai'té signifie achetaient, vient de acater) des monts d’papier-tchul. Ch’étoait pour leu foaire des bèrboéres ! I n’foaisoai'té point fiate à no confini d’Présidint. Mais j’m’édman.ne coére quoé qu’chés Améritchains i vont foaire éd chés fusils qu’il ont acatés ? Cho sroait-ti pour escoffier (escoffier signifie tuer) ch’confini d’Trump ?

dix-sept d’avri
Pour nous canger d’idée, in.ne tchote histoére. A s’appelle

Colle cho à t’manche

I l’avoait à pein.ne vu qu’i nn est tcheu (tcheu signifie tombé, vient de tchair) anmoureux
Il y o foait d’l’imballe.
In roulant des épeules, i y o dit « j’sus tatoué »
a ll’o rbéyé, fin fiére, pi a i o robolé (robolé signifie répliqué, vient de roboler)  :
« Tais-tté, mont d’brin ! doù qu’t’os apprins ch’picard ?
O n’dit point j’sus tatoué, o dit éj sus t-à ti »
Al o coére rajouté :
« Ch’picard i foait d’l’imblée (foaire éd l’imblée signifie faire des manières) , ll’imballe (l’imballe est de la toile d’emballage) ch’est chés tisseux. »
Mais cho ch’étoait pour mi.

dix-huit d’avri
Li hier din Libé Les Etats-Unis sont le pays le plus touché tant en nombre de morts que de cas, avec plus de 30 000 décès. La Chine a annoncé vendredi près de 1 300 morts supplémentaires à Wuhan, nouveau décompte qui porte à 4 632 le bilan des décès enregistré dans le pays le plus peuplé du monde…[ ] 17 920 personnes sont mortes des suites du Covid-19 en France. J’ai foait chés comptes cho foait, pèr miyon d’habitants : 100 morts pour chés États-Unis, 264 in France et pi in Chine minme point l’mitan d’un.
Pétête éd chés Chinois il ont minti, mais d’tous sins (d’tous sins signifie de toutes façons) , nous eutes os sonmes loin pa dvant. Merci à tchéche ? à no confini d’Présidint.

vingt d’avri
Hier au soér j’ai rbéyé un dotchumintaire Un mode obèse, ch’étoait un rplé d’Arte qu’i m’o bien plé. O nn apprinds des belles, mais j’n’ai point té surprins. Ch’est conme cho qu’chés sodatiers, chés foaiseux d’boéchons gazeuses siq os ainmez miux, il ont don.né des miyons d’dollars a des scieintifiques. Chetlò il ont pubiés des études qu’i prouve'te éq chés chuques (chuques signifie ici sucres) din chés boéchons i n’sont point responsabes du diabéte éd chés buveux. Et pi des chuques pourtant i n-y in o à-ti-à-masse (à-ti-à-masse signifie en abondance) din leu saloperie. Du minme pérel éq tchéques dizain.nes d’énnées dvant, chés cigèrettiers i poéyai'té dz éspécialisses pour dire éq chés goudrons pi l’nicotine éd leus cigèrettes ch’étoait boin pour no santé. N-y o soéxante-chonq (chonq signifie cinq) miyons d’énnées chés dinausaures il ont dispèru d’la terre à cœuse d’un météorite. Éll’éspéce humain.ne al dispèraîtro étou, mais cho sro point un cailleu tcheu din ch’temps (ch’temps signifie le ciel) , ché sro l’société qu’al sé détruiro d’elle-minme. Pi os nin sonme pétête point si loin qu’cho. In.ne société d’confinis pérels a n’mérite point d’survive !

vingt-et-un d’avri
Li din libé du 17/04 : Nonobstant les élucubrations du Pr. Montagnier, relayées volontiers par les médias d’extrême-droite, on sait avec une quasi-certitude que Covid-19 n’a jamais été modifié en laboratoire. Pétête éq ch’est dz élucubrations, mais quanq o voét ch’qué CocoCola il est capabe éd foaire, éj croés bien qu’din chés laboratoéres, conme d’eximpe (d’eximpe signifie par exemple) , chetlò d’él CIA,i n’térint'te (térint'te signifie hésitent, vient de térinter) point, pi qué l’djerre bacté­riologique al foait pèrtie de leus élucubrations justémint. D’lò à pinser qu’i pourroait n-y avoér yeu des fuites… Din un monde éd confinis pérels, tout il est possibe !
Un ratro (un ratro signifie ici une élucubration) d’éch confini d’Christophe Bèrbier : « Pour sauver quelques personnes âgées, on va mettre des milliers de gens au chômage ? » Bié seur, i feut rdémarrer l’écononmie, aït aït ! Os n’ons point d’bèrboéres, os n’ons point d’tests pour déteuper chés malades, os n’ons point d’médicamints pour észés soégner, quoé qu’a pu foaire, hein ? Piq os vous dis qu’l’écononmie al o à rfoaire (avoér à rfoaire signifie être souffrant, cliquer pour voir la conjugaison de rfoaire)  !
Médiapart, 17/04 : Après avoir nié la réalité de la pénurie de masques, le gouvernement a changé de stratégie: noyer les Français sous un déluge de chiffres d’importations depuis la Chine aussi mirifiques qu’incohérents, comme l’a montré dimanche la conférence de presse du premier ministre. Et refuser de répondre aux questions sur le sujet. Li din el Monde du 22/04, in.ne déclèration d’Jean-Paul Hamon, présidint d’él Fédération d’chés médecins de France : « Au début de la crise, le ministère nous a dit qu’ils étaient prêts (…). Mais on a vite réalisé que c’était faux. (…) On a été dépendants de dons de particuliers, d’entreprises. Et l’administration française a été complètement défaillante » Rien à crainde, Monsieu Hamon, chés confinis qu’i nous gouverne'te i vont continuer d’nous mintir et pi d’défaillir, conme os disez, o put leu foaire fiate (fiate signifie confiance)  !

vingt-troés d’avri
Édsu ch’site Arrêt-Sur-Images : Si un ministre ou une porte-parole assurent que le masque n’est pas indispensable (Ndiaye, 17 mars ; Salomon, 19 mars ; Nunez, 20 mars), puis, quelques jours plus tard, se réjouissent de l’arrivée espérée d’un milliard de masques sur le sol français (Véran, 28 mars), ou les présente comme indispensables lors du déconfinement (Philippe, 19 avril) alors la confiance disparaît. Et ne revient plus, quels que soient les actes posés par la suite.

vingt-quate d’avri
Hier dsu France Inter, Jacques Monin (cellule investigation de Radio France) : Air Liquide s’est associé à PSA, Valeo et Schneider Electric pour produire 10 000 respirateurs artificiels. Cette mobilisation de l’industrie française doit répondre aux besoins urgents des soignants. Mais une enquête de la cellule investigation de Radio France montre qu’ils sont inadaptés aux malades du Covid-19. Tout cho, cha prouve bien qu’i n-y o des confinis tout pèrtoute.

vingt-chonq d’avri
Olivier Véran, confini d’minisse éd la Santé dsu France Inter hier, rapport à (rapport à signifie à propos de) chés bèrboéres : « Oui, d’accord, on prend un peu plus de temps que les autres pays pour les fabriquer et les produire (…) on a fait un choix rigoureux, mais ça ne vous étonnera pas – sinon on ne serait pas la France – que d’avoir des masques très filtrants.» Aprés troés moés d’cafouillages et pi d’mintiries, ch’est vrainmint prinde chés Français pour des confinis.

vingt-six d’avri
Dsu ch’site France Inter, hier au soér
Dans un avis rendu public ce samedi 25 avril, le Conseil scientifique affirme qu’il était favorable à ce que les crèches et les écoles restent fermées jusqu’en septembre mais « prend acte de la décision politique » d’une réouverture progressive à partir du 11 mai. Dès lors, « il incombe aux autorités de s’assurer que les mesures sanitaires soient opérationnelles au moment de l’ouverture de chaque établissement scolaire ».
Éj sus contint d’apprinde qu’éch Grand Manubu i n’o point dzoin d’chu Conseil scieintifique pour prinde chés décisions qu’i n’feut point quanq i n’feut point. Cha prouve éq ch’est pétête bien un Grand Manubu, mais qu’ch’est surtoute un Grand Confini.
Din le Monde (24/04) « Testez, testez, testez ! » conseil de lutte énoncé le 16 mars par Tedros Adhanom Ghebreyesus, le directeur général de l’Organisation mondiale de la santé (OMS).
Les chiffres sont cruels. L’Organisation pour la coopération et le développement économique (OCDE) signale qu’en date du 15 avril, le nombre de personnes dépistées en France était de 5,1 pour 1000 habitants, derrière la Turquie (5,3 pour 1000) et devant le Chili (4,8 pour 1000). C’est près de trois fois moins que la moyenne des pays de l’OCDE, deux fois moins qu’aux Etats-Unis (9,3 pour 1000), et loin derrière l’Allemagne (17 pour 1000).
D’Olivier Véran, minisse confini d’él Santé : « La France a un système de protection sociale que beaucoup envient ». In.ne protection sociale éq no confini d’Manubu il est in route a démangler (démangler signifie démolir) dpus qu’il o té éli Présidint.

vingt-sept d’avri
Chés dintisses i sont in pile-corps (in pile-corps signifie ici en costume d’Adam, à poil siq os préférez) , ch’est ch’Dr Quenottes qu’i mé ll’o dit : « Os allons rouvrir nos cambinets alors qu’os n’ons pu d’bèrboéres pu d’gel, pu rien. »
Li din Le Monde : La mortalité en réanimation beaucoup plus forte qu’annoncée en France. Le taux serait de 30 % à 40 %, selon les données du Réseau européen de recherche en ventilation artificielle, soit beaucoup plus que les 10 % évoqués par le gouvernement le 17 avril. I nous mint'te à longueur éd jour. Puss pire éq des arracheux d’dints, tas d’confinis !

vingt-neu d’avri
Médiapart : Le gouvernement est incapable à ce jour de connaître les capacités des laboratoires sur son territoire à réaliser des tests. Din ches discours offociels, o s’aperchut qu’chés bèrboéres pi chés tests, qu’i n’servoai'te à rien du début, i sont dévnus indispinsabes à no déconfinemint. In foait d’déconfinemint, ch’est putôt la déconfiture éd no governémint. Chés porris d’confinis-lò i mint'té conme i respire'te.

trente d’avri
Libé d’hier : « Sur les masques, je veux profondément démentir la chose, je comprends qu’on peut… euh… qu’on puisse s’étonner d’un changement de doctrine c’est le cas, mais là… euh… le changement de doctrine, il est pas politique, il est scientifique, les mêmes scientifiques qui nous disaient… euh… il y a deux mois ou qui ne parlaient pas, disaient que le… que le… qu’en tout cas le masque n’était pas quelque chose qui… qui… servait à… qui devait servir aux soignants mais pas au grand public, à l’heure actuelle ils nous disent plutôt l’inverse alors nous on s’adapte, on écoute le scien… les… le comité scientifique, on écoute l’Académie de médecine qui ne s’était pas prononcée et qui nous dit que les masques sont utiles. Tant mieux on va les utiliser entre autres, moi qui suis député de Paris, dans les transports en commun, on peut pas respecter la distanciation physique, c’est ça le plus important, la distanciation physique on ne peut pas la respecter, alors à ce moment-là on porte le masque. » Signé Sylvain Maillard, député et porte-parole confini du groupe LREM à l’Assemblée nationale. Radmirez conme i cause bien. Ch’est clair conme du jus d’chique !

J’ai fini pèr déteuper, din ch’Pèrisien d’éch 25 d’avri, un artique qu’i pèrle éd chés proportions d’mortalité din chés divers poéyis. Est putôt rère, pi o z-y voét qu’la France al est din ch’ploton d’tête, point loin d’él Belgique, éq ch’est ch’coq, et pi quasimint à égalité avuc l’Espagne pi l’Italie !
Alorss lò, jé m’pose des tchestions, cmint qu’a s’foait qu’o n’voét quasi­mint jamoais chés chiffes-lò neune pèrt ? ch’est-ti qu’chés jornalisses i sroai'té confinis, eux étou ?
D’aprés ch’jornal L’Humanité, chés laboratoéres Sanofi i s’in vont distribuer quate miyards à leus action.naires. Et pi, pétête bien qu’i vont étou don.ner chint miyons pour chés hôpitals, tchéques frouettes (tchéques frouettes signifie quelques miettes) , quoé !…

Mai

preume éd mai
Manubu Martuffe, no présidint confini i nn o coére sorti in.ne belle. I o dit conme cho qu’i vouloait « retrouver dès que possible les 1er Mai joyeux, chamailleurs parfois qui font notre nation ». O voét qu’il o l’habitude d’és foaire aflater (aflater signifie caresser) pèr chés matraques éd chés chamailleux d’cadoreux !
Chés responsabes il ont coére gaingné ch’pompon : dsu l’carte éd France d’éch déconfinemint, il ont mis in rouge troés dépèrtémints qu’i né l’méritoai'té point. Tas d’confinis d’cafouilleux !

deux d’mai
Li din le Monde d’in.nhui : « Selon des enquêtes du Cevipof et d’Ipsos-Sopra Steria dans différents pays, les sondés français sont à la fois plus angoissés sur la situation et plus sceptiques sur leurs dirigeants. Le niveau d’anxiété en France rend l’étape du déconfinement périlleuse. » Ch’est achteure soéxante-deux pour chint d’chés Français qu’i n’sont point contints d’chés confinis qu’i nous dirige'te.

troés d’mai
Tours din le Monde : Le docteur Eric Loupiac, médecin jurassien, est mort du Covid-19. Son épouse souhaite porter plainte contre Olivier Véran et Agnès Buzyn, ainsi que contre l’ARS de Bourgogne-Franche-Comté et le directeur de l’hôpital de Lons-le-Saunier, où exerçait son mari. Siq tout l’mon.ne i foait pèrel, chés juges i n’vont point mantcher d’ouvrages. No gouvernémint d’confinis i foait pourtant tout ch’qu’i put, mais surtoute tout ch’qu’i n’feut point.

quate éd mai
À huit jours d’éch déconfinemint, adoù qu’os nin sonmes ?
Tchestion d’chés tests, o nn intind point granmint pèrler. D’aprés d’autchuns, est pourtant indispensabe, i feut déteuper chetlò qu’i sont atteints. Pour chés tests, Olivier Véran, no confini d’minisse éd LaSanté i mint, a n’vous surprindro point, i mint quanq i dit qu’o foait troés chint mille tests pèr ésmain.ne. I mint conme tous chés confinis reponsabes d’in.ne situation pérelle. Chés chiffes éd Santé publique France i di'te éq ch’est moins d’él mitan ; la France al est drière él Turquie, os voéyez qu’os sonmes bien plachés !
Pi chés bèrboéres, pèrlons-nné ! Chés gran.nes surfaches i s’in vont nin vinde, soéxanre-chonq miyons qu’o dit, mais chés soégnants i nn’ont tours point leu contint d’bèrboéres chirurgicals, i nin manque din chés Éhpads pi chés dintisses i nn ont point nan pu !
Pi din chés écoles, écmint qu’a vo s’passer ? Person.ne i né l’sait, surtoute point chés maristers !
Pour chés médicamints, o n’sait point cmint qu’os srons achalandés, avuc chés usines apothicaresques qu’i sont in Chine ou bin coére in Inde. O srons in manque, probabe. À forche éd délocaliser, o z-arrive qu’o n’o pu rien à li.

chonq éd mai
I n’y o point dzoin d’foaire éd conmintaires :
04/05 Libé
[Un dénonmé] Véran, [confini d’minisse,] assure une nouvelle fois que « jusqu’au 1er avril, toutes les recommandations ne prônaient pas le port du masque en général. Je pense à l’Académie de médecine, au conseil scientifique… », insistant sur l’inexistence de consensus scientifique précoce. Sauf que le conseil scientifique, qui aiguille l’Elysée, préconisait dès le 12 mars « la disponibilité de masques chirurgicaux pour les populations » 04/05 Médiapart
Devant l’Assemblée nationale, le mardi 28 avril, Édouard Philippe n’a pas hésité à convoquer « la vertu », « cette antique qualité qui mêle la rectitude, l’honnêteté et le courage ». C’était tout à la fin de son discours présentant « la stratégie nationale de déconfinement », où le premier ministre essayait de sauver la face d’un État en perdition sous l’effet des injonctions contradictoires, incohérentes et irresponsables de celui qui est supposément son chef, le président de la République. 04/05 France Inter
Entre infantilisation et responsabilisation, le gouvernement s’enlise dans un paradoxe intenable. Monique Pinçon-Charlot, sociologue, déclare au micro de Daniel Mermet, le 29/04/2020 : Et comme par hasard, en France, il n’y a ni masques ni tests. Ça n’est pas fait exprès ? D’où ça sort, toutes ces lacunes, comment c’est possible ? Ils devront rendre des comptes, parce que ces erreurs, ces lacunes sont en réalité criminelles, elles ont en tout cas des conséquences criminelles. Du cœup jé m’pose in.ne tchestion, tout conme éch monolecteallez-y don, vir éch blog d’éch monolecte !  : À quel moment sait-on que l’on vit dans un monde dirigé par d’immondes raclures ?

six éd mai
Intindu Jean-Paul Sthal, professeur de maladies infectieuses et tropicales au CHU de Grenoble (Isère), du matin édsu France-Info : « C’est laisser les enfants chez eux qui leur ferait courir un risque supplémentaire »
« J’aurais des enfants à mettre en classe, je les mettrais »
« Le risque pour les enfants est extrêmement faible »
« Plus ils sont petits, moins ils transmettent le virus »
« à moins de 15 ans le risque pour les enfants est extraordinairement faible ».
« les études scientifiques montrent que les enfants sont très peu contaminés, de l’ordre de trois à sept fois moins que les adultes. »
« plus de 90% des enfants qui ont été contaminés par le virus l’ont été dans le milieu familial ».
I n-y in o conme cho des gins qu’i n’dout'té dé rien. Des gins qu’i sont prêts à invoéyer leus éfants à l’école – surtoute quanq i nn’ont point. Des gins qu’i n’ont janmoais intindu pèrler d’chés paures éfants qu’i leu rtrouve'te, aprés avoér té infecté pèr éch covid-19, avu in.ne seurte éd maladie qu’al ersen.ne à l’maladie d’Kawasaki. Des gins qu’il avanche'té des chiffes qu’o n’sait point adoù qu’il ont té szés tcheur (tcheur signifie quérir, chercher ; verbe défectif utilisé seulement à l’infinitif) . Qu’est-ti bieu un Monsieu ÉJ-SAIS-TOUTE conme cho !

sept éd mai
In réponse à ch’djudjusse d’hier, li din Libé : Des chercheurs allemands n’ont pas constaté de différence marquée entre le niveau de charge virale chez l’adulte et chez l’enfant, mais la comparaison repose sur un très faible nombre de cas chez l’enfant. Il n’est pas possible d’en tirer des conclusions définitives. Pi din chés dépéches AFP, pèr Paul Ricard journaliste : Alors que le débat sur la réouverture des écoles fait rage, de nombreuses inconnues demeurent sur le #Covid19 chez les enfants, en particulier leur capacité à transmettre la maladie.

huit éd mai
I y o soéxante-tchinze ans, troés quèrts éd sièque, ll’érconstruction d’un nouvieu monde al écminchoait, éch monde d’aprés la djerre. Édmain ou d’aprés-dmain, cha pourroait t-ête pérel, éch monde d’aprés ch’covid-19. Un monde qu’i dvroait t-ête érconstruit pèr chetlò qu’i ll’ont seuvé. Os savez éch peupe, él racaille qu’o déméprisoait hier – i n’avoait qu’a trécoper l’rue pour trouvoér éd l’ouvrage. Chés soégnants, chés tchaissiéres éd super-mèrtché, pi tous sz’eutes. Acoutez szés. I vous di'te : Je ne suis pas un héros (cho dure 7 minutes) .
Mais surtoute éj vous invite à intinde Un appel de Vincent Lindon (cho dure 20 minutes) , un appel adoù qu’i dit : « La corruption politique me paraît un crime plus grave qu’un braquage de banque. »

neuf éd mai
Siq os n’savez point ch’qué ch’est qu’él distan­ciation, rbéyez (rbéyez signifie regardez, vient de rbéyer) bien, La Castagne i vous foait vir écmint qu’o foait. Ch’est vraimint un confini d’minisse éd l’Intérieur !

Li din Charlie Hebdo L’État ruiné par le corona-virus va tout de même refiler 7 milliards de nos euros à Air France, symbole étincelant de la crise écolo­gique. Air France, ce n’est pas seulement les gaz à effet de serre. C’est aussi un rapport à la réalité, à l’espace, au temps, à la vitesse. C’est encore 17678 aéroports dans le monde et des centaines de millions de zozos qui croient voyager quand ils ne font que transporter leur portable et leur perche à selfies.

dix éd mai
Ch’est don pour édmain, éch deuxieinme acte i s’in vo s’éjuer, tout autant casvel (casvel signifie fragile, précaire) qu’éch premier. Avuc les minmes confinis d’minteux qu’i condui'te no poéyis. Qu’i llé condui'té droét din ch’mur. Éch mur éd leu société libérale, éch mur d’éch déréglémint climatique. Asseuré qu’aprés l’décarsure qu’o vnons d’vive, i s’in vont coére vouloér accélérer !
À quel moment sait-on que l’on vit dans un monde dirigé par d’immondes raclures ? qu’i disoait ch’monolecte – ou putôt qu’al disoait, vu qu’ch’est in.ne fenme dénonmée Agnès Maillard.
Éj croés bien qu’achteure, o llé sait.
J’espére étou qu’os né ll’oublierons janmoais !

 

Merci à Félix éd Charlie Hébdo, mais à cœuse (à cœuse qu’ signifie pourquoi) qu’i feuroait attinde 2022 ?

Fermer
 

Éch baroumoaite,
pèr éch seize éd mai 2020.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête (pétête signifie peut-être) !
Adé pi vnez nous rvir.

 


Tchuin d’ziu du 01/06/2020 Tchuin d’ziu du 01/05/2020