tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

pour nous canger d’idées

Él 28 éd novimbe dix-neu-chint-quatré-vingt-dix-huit, éch Déglic il est pèrti à teupe (pèrti à teupe signifie parti chez les taupes, c'est-à-dire décédé) . Point longtemps pèr aprés, j’ai récoué (récoué signifie récupéré, vient de récouer) des papiers qu’i vnoai'te éd li. Énedin, n-y avoait ch’début d’in.ne histoére. In.ne histoére vraie, él sien.ne, durant la djerre. Il avoait din les dix-sept ans à l’Évatchuation.

I n’o point té au bout d’sin récit, jé nn’ai trouvé qu’chés prémiéres pages. J’n’in sais point d’puss. Quanjou (Quanjou signifie quand est-ce) qu’il o écrit cho? Ch’étoait-ti ch’qu’il avoait arouté (arouté signifie entrepris, vient de arou­ter) dvant d’aller joutcher à ch’camp d’soéle (joutcher à ch’camp d’soéle signifie dormir au cimetière, mot à mot se jucher dans le champ de seigle) ? Os né l’sérons janmoais.

Pour vous foaire in.ne tchote (tchote signifie petite) idée vlò ch’début:

1940 - 1945: No dgerre à nous.

Ch’est l’vie d’troés jon.nesses d’sous l’otchupation.
Chés troés-lò i z’accumonchélte, in quate ans, pu qu’i n’in feut por t’ête invoéyès din chés moaisons d’erpos d’Allemagne ou bé por d’ête tortionnè din in.ne baignoére pi fusillè din chés fossés d’chuch chitadelle d’Amiens.

Tours (Tours signifie toujours) est-ti qu’éch début d’histoére inédit, aprés avoér térinté (térinté signifie hésité, vient de térin­ter) jusse un molé (un molé veut dire un peu) , jé ll’ai mis dsu no site, il est (allez-y vir !) , os pouvez l’lire ou bin l’téléquèrtcher (télé­quèr­tcher signifie télécharger) ! Pétête (pétête signifie peut-être) éq cha n’li éroait point plé (plé signifie plu, vient de plaire) , à ch’Déglic. Sin texe, cha n’est qu’in.ne ébeuche; siq il avoait vétchu, asseuré (asseuré signifie sûrement) qu’a n’sroait point resté conme cho. Siq qu’éj vous l’don.ne ch’est pour qu’os vous foaisèche (foaisèche signifie fassiez, vient de foaire) in.ne idée d’éch qué ch’éroait té ch’live No dgerre à nous signé pèr éch Déglic… I nn est ch’qu’i nn’est, in.ne vaque ch’est point un beudet. Et pi ch’cœup l’est foait, i n’est point temps d’mette és main à sin tchul quanq ch’pet il est pèrti! Ch’est lò qu’a s’tient (mais allez-y don !) .

Pi tanq j’y étoais, jé nn ai profité, j’ai rarringé étou (étou signifie aussi) l’page à ch’Déglic. Cha vut dire éq tout l’mon.ne in.nhui (in.nhui signifie aujourd'hui) i put lire pi acouter sin CD qu’chés Diseux il avoai'te hansé (hansé signifie élaboré, vient de han­ser) au boin temps (boin temps signifie printemps) d’l’an 2000. Pour y aller ch’est ichi (est tout nouvieu !) .

Os voéyez qu’éj prins bien soin d’vous eutes. Os avez achteure (achteure signifie maintenant) éd quoé otchuper vos séries (séries signifie soirées) durant in.ne cope éd jours (in.ne cope éd jours signifie quelques jours) . Pi, siq él décarsure (décarsure signifie catastrophe, cataclysme) al doét durer, rtornez don acouter, racouter pi raracouter Tchotchote (ch’est du nan.nan !) , o n’s’in lasse point!

Éch baroumoaite,
pèr éch seize éd mars 2020.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé d’tous les côtés... pétête !
Adé pi vnez nous rvir.

 


Chapitre conjugaison, verbes commençant par S...Z Tchuin d’ziu du 01/03/2020