tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

Os n’varez point vous plainde…

« … un nouveau stade a été franchi : un site et des réseaux sociaux ont relayé des attaques ignobles… personne ne devrait subir une telle violence… Cela va trop loin. C’est pourquoi j’ai décidé de retirer ma candidature…»
(Jean-Baptiste Botul)

I n’y éro don point person.ne d’éch paure pèrti d’no présidint pour ca­ba­ler (cabaler signifie ici mener campagne) à Paris din chés votages municipals? In attendir (in attendir signifie en attendant) , qué busin (busin signifie tapage) din ch'monde politique. Mais, j’croés bien qu’il o yeu raison d'és démette, éch camérade. Ch’n’est point à cœuse qu’o z-est à ti à mi avuc Manubu, chetlò qu’il o foait don d’és person.ne à la Finance, qu’i feut supporter toute!

J’ai rbéyé (rbéyé signifie regardé, vient de rbéyer) l’vidéo éq ch’est rapport à elle (rapport à elle signifie à cause d’elle) éq JBB i s’a résou à s’értirer. J’n’ai point pu aller dusqu’à l’fin. Éj n’ai tasseulemint yeu qu’él temps d’courir din chés cabinets pi d’dématcher (dématcher signifie vomir) tripes et boéyeux.

Os frez conme os vourrez, mais os n’varez (varez signifie viendrez, vient de vnir) point vous plainde pèr aprés siq à vo tour os dégobillez (dégobillez signifie vomissez, vient de dégo­bil­ler) ; l’fanmeuse vidéo, os pouvez l’vir ichi, mais os ristchez gros!…

×

Quanq j'ai vu cho, j’m'ai mis à pinser qu’ch’éroait pu arriver à mes arriére-tchoté-files qu’is éroai'te attindu pour prinde éch train pa dvant l’gare éd Bordeaux. Coére merci à no présidint, merci à La Castagne pi merci à chés Forches éd l'Orde conme o z-appéle achteure chés cadoreux d'Macronie pi d'Navarre…

Fermer
 

Éch baroumoaite,
pèr éch seize éd février 2020.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête (pétête signifie peut-être) !
Adé pi vnez nous rvir.

 


Tchuin d’ziu du 01/03/2020 Tchuin d’ziu du 01/02/2020