tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

Rien à foaire!

In.nhui éj n’ai pu qu’à m’érposer, ch’Lanchron pi Mame él Préféte éd la Sonme il ont foait ch’travail à m’plache!

In preume allons vir éch site éd no Préféte, ch’est lò ndin qu’o trouve:
        http://www.somme.gouv.fr/Services-de-l-Etat/Prefecture-et-sous-prefectures/
Est mèrtché (mèrtché signifie marqué, vient de mèr­tcher) qu’o put contacter… le défenseur des droits, ch’est lò:
        http://www.defenseurdesdroits.fr/fr/office/80
Pi vlò ch’qu’o z-y déteupe (déteupe signifie découvre, vient de dé­teu­per) , quanq o z-o clitché dsu ch’lien:
Conme est dit, siq os n’arrivez point à contacter ch’définseu i feut contacter ch’définseu!
Est çartain, achteure (achteure signifie maintenant) i n’y o vraimint pu d’définseu d’chés droéts à mon d’ (à mon d’ signifie chez) Mame no Préféte.

Éd deuze, éch’Lanchron liméro 160 l’est dessatché (dessatché signifie sorti, vient de dessatcher) , pi à l’page 2, quoé qu’o z-y voét?

Chés Diseux is rbat'té leus hotons… Volume 3!

Tous les smainnes, Chés Diseux d’Achteure is leu nn’alloai't à Djimicourt et Anmien foaire édz émissions d’radio. Est viu… ch’étoait du temps d’Radio Amiens pi d’Radio Gazette Rurale, i y o passè trinte ans, déjo. Bien souvint leus passages is étoai’t inrgistrès dsu éne méchante cassette (est tours miu qu’érien) pour szé «warder pasqu’o n’sait janmoais». Ch’est aveuc chés bindes lo qu’Jean-Pierre CALAIS il avoait peu dessatcher un cédé d’chés diries à Pierre DEGLICOURT in 2000 (ChL 82 p. 41) et pi un eute aveuc chés diries à Pierre DUQUET in 2001 (ChL 84 p. 41). Apreu s’avoér atchiéni (atchiéni signifie acharné) à racouter chés rliques éd l’eute sièque tout du long d’l’apréseut 2019, ch’Jean-Pierre (o disoait «Tchot Phane» à mon d’Chés Diseux) il o rcopiè aveuc soin 38 téxtes prépèrès à l’avanche et pi lis in diréc din ch’poste pèr Marie-Madleinne DUQUEF din chés énèes 1985-1989. Tchot Phane il o adjincè éne page éspéciale «mmd» din leuz intarnète (ch’est mie pu l’peinne éd foaire éd cédé, pu parsonne i nn’acate, pi chés autoradios is n’ont pu d’liseuse à cédé). Édon tous chés inrgistrémints à Tchotchote d’él tcheue d’vaque qu’is n’étoai't point pardus, achteure is sont limérisès pi seuvès!

Gadrouille    

http://ches.diseux.free.fr/pers/persmmd.htm

Jusse un tchot mot édvant d’nin définir: ch’qué Gadrouille i n’dit point, ch’est qu’chés érelles à ch’camèrade Jean-Luc i m’ont rudemint écoré (écoré signifie ici aidé, soutenu, vient de éco­rer) – os savez bien, Jean-luc échl éscrétaire d’éch Lanchron –, pi qu’grâce à li jé n’mé sus point noéyé din un grand treu rimpli d’riditchule. Jean-Luc, éj t'ormercie granmint (granmint signifie beaucoup) conme al éroait dit Tchotchote!

Éch baroumoaite,
pèr éch seize éd janvier 2020.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête (pétête signifie peut-être) !
Adé pi vnez nous rvir.

 


Tchuin d’ziu du 01/02/2020 Tchuin d’ziu du 01/01/2020