tb - ÉCH TCHUIN D’ZIU D’ÉCH BAROUMOAITE - bt
les états d’âme du webmestre

BOIN.NE (boin, boin.ne signifient bon, bonne) énnée à Mame no préféte

Éj croés bien qu’a n’vous fro point d’mau qu’os fuchèche (fuchèche signifie soyez, vient de ête) un molé écorée (écorée signifie épaulée, vient de éco­rer) . N-y in o d’çartains qu’i vous nnin veu'te (veu'te signifie veulent, vient de vouloér) , rapport à tchéques (tchéques signifie quelques) noércassiers (noércassiers signifie bons à rien) qu’os avez rinvoéyés din leu poéyis. Os avez yeu raison!

Ch’est vrai cho, des gins qu’i vien'te (vien'te signifie viennent, vient de vnir) éd Géorgie, un poéyis qu’o sait à pein.ne doù qu’il est. Des gins qu’o n’sait minme point prononcer leu nom eutrémint qu’in éternuant, Chxiradze. Pi conme os avez du tchœur, os n’avez point voulu dessépèrer in.ne famille. Ch’est conme cho qu’Luka qu’il o douze ans, arrivé in France n-y o pu d’huit ans, pi sin tchot (tchot signifie petit) frére Georgi sept ans, né in France, i sont pèrtis din un poéyis qu’i n’con.noaisse'té point pi qu’i nin pèrle'té point l’langue. A n’foait d’érien!

Alorss évlò, j’vos vous souhaiter in.ne boin.ne énnée, in.ne boin.ne santé pi surtoute un boin sonmé (sonmé signifie sommeil) trantchille conme tchéqu’un (tchéqu’un signifie quelqu’un) qu’il o foait sin dvoér bien conme i feut. Pi in puss éj vos vous dire éq j’ai boin espoér pour vous pi vo situation. Os avez pétête (pétête signifie peut-être) intindu Macron hier au soér. Feute d’avoér seu (seu signifie f, vient de savoér) batte in rtraite édsu chés rtraites, i s’in vo s’foaire roustir (roustir signifie ici détrôner) à chés élections. Os allez biétôt pouvoér vous nin rdon.­ner (s’in rdon.­ner signifie jubiler exulter, à rapprocher du français s’en donner à cœur joie) ! Avuc éch cangemint d’présidint qu’i s’annonche, os allez avoér éd l’ouvrage à-ti-à-masse (à-ti-à-masse signifie à profusion) .

O s’in vo révnir, conme à ch’boin viux temps, qu’i feuro quate générations pour t-ête un boin Français, éd’souche, conme i di'te, in picard o diroait un Français d’choque. Chti qu’il éro yeu in.ne taïon.ne (taïon.ne signifie arrière-grand-mère) ou un rataïon (rataïon signifie arrière-arrière-grand-père) qu’i sro point né in France o ll’invoéro à l’oust (à l’oust signifie au diable) aïte aïte (aïte aïte signifie vite fait bien fait) ! Os allez nin foaire, édz heures supplémintaires, pi rudemint coére, pour rinvoéyer tout ch’bieu (bieu signifie beau) mon.ne-lò, atchun (atchun signifie chacun) din sin poéyis!

J’m’in vos minme ém permette éd vous don.ner un tchot conseil. Aprés chés Chxiradze, allez don vir du côté d’chés Nguyen, ch’est point granmint (granmint signifie beaucoup) français nan pu, ch’nom-lò! Pi n-y in o à l’gron.née (à l’gron.née signifie à foison) d’chés vastépluques (vastépluques signifie vauriens) -lò. I feut szés rinvoéyer rondébilis (rondébilis signifie rondement) din leu poéyis. Pi point dzoin d’chartèr pour ész espulser, tchéques (tchéques signifie quelques) wagons à bestiaux a fro l’affoaire, conme à ch’boin vieux temps, népoint (népoint signifie n’est-ce pas) !

Allez, mèrchez, Mame no préféte, éne vous foaisez point d’bile, os irez loin, jé l’sins!

In.ne boin.ne énnée étou (étou signifie aussi) à tous chés Picards éd choque!!!

Éch baroumoaite, Picard édpu au moins dix générations,
pèr éch preume éd janvier 2020.

Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête !
Adé pi vnez nous rvir.

 


Tchuin d’ziu du 16/01/2020 Archive des tchuins d’ziu du 2e semestre 2019